राज्याच्या राजकीय वर्तुळात खळबळ उडवणारी बातमी समोर आली असून शिवसेनेचे निवडणूक चिन्ह ‘धनुष्यबाण’ आयोगाकडून गोठवलं गेलं आहे. याबाबत ANI वृत्त संस्थेने ट्विट करून माहिती दिली आहे. एकनाथ शिंदे आणि उद्धव ठाकरे या दोन्ही गटांना हे चिन्ह वापरता येणार नाही. दरम्यान हा निर्णय केवळ अंधेरी पोटनिवडणुकीकरता घेतला असल्याची माहिती आहे.
पोट निवडणुकीसाठी १० ऑक्टोबरपर्यंत नव्या चिन्हासाठी दावा करण्याचे निर्देशही आयोगाकडून देण्यात आले आहेत. शिवसेना पक्षाचे नाव देखील या दोन्ही गटांना वापरता येणार नाही. नव्या चिन्हासाठी सोमवारी दुपारी १ वाजेपर्यंत आयोगाला पर्याय द्यायचे आहेत, अशी माहिती मिळाली आहे.यामुळे राज्याच्या राजकीय वर्तुळात खळबळ उडाली आहे.
Shiv Sena's 'Bow & Arrow' symbol claim | Election Commission of India passes interim order, says in Andheri East bye polls neither of the two groups shall be permitted to use the symbol "Bow & Arrow", reserved for "Shivsena". pic.twitter.com/QtC9iNhZ0X
— ANI (@ANI) October 8, 2022
आज उद्धव ठाकरे आणि शिंदे गटाकडून निवडणूक आयोगासमोर आपापले म्हणणे सादर करून काही कागदपत्रे देखील सादर केली होती ठाकरे गट आणि शिंदे गटाच्या दाव्यानंतर निवडणूक आयोगाची बैठक पार पडली. त्यानंतर शिवसेनेचं चिन्ह धनुष्यबाण गोठवण्यात आल्याचं आयोगाकडून स्पष्ट करण्यात आलं.
