पाचोरा– येथील कृषी उत्पन्न बाजार समितीतर्फे शेतकऱ्यांना मार्गदर्शन व त्यांच्या शेती विषयी समस्या अडीअडचणी समजून घेण्यासाठी व मार्गदर्शन करण्यासाठी दि. ३० रोजी शनिवारी भव्य कृषी मेळावा व परिसंवादा चे आयोजन करण्यात आले आहे. या कृषी परिसंवाद व मेळाव्याचे अध्यक्ष पाचोरा भडगावचे आमदार किशोरआप्पा पाटील हे असून कार्यक्रमाचे उद्घाटन माजी आमदार दिलीपभाऊ वाघ हे करणार आहेत. यावेळी तालुक्यातील कृषी तज्ञ व या कृषी मेळाव्यात मार्गदर्शन करण्यासाठी अनिल भोकरे माजी प्रकल्प संचालक आत्मा हे ‘कृषी उद्योजक एक काळाची गरज’ याविषयी मार्गदर्शन करणारा आहेत.
तसेच ‘कृषी विभागाच्या योजना’ यासंदर्भात नाशिक येथीलअश्वमेध सामाजिक संस्थेचे अध्यक्ष कैलास मोरे हे मार्गदर्शन करणार आहेत. हा मेळवा व परिसंवाद कृषी उत्पन्न बाजार समिती पाचोरा चे आवारात दिनांक ३० डिसेंबर रोजी शनिवारी सकाळी १० वाजता आयोजित केला आहे .या परिसरासाठी पाचोरा व भडगाव तालुक्यातील शेतकरी बांधवांनी मोठ्या संख्येने उपस्थित राहावे असे आवाहन बाजार समितीचे सभापती गणेश भिमराव पाटील व उपसभापती पी. ए.पाटील व संचालक मंडळाने यांनी केले आहे.
