जळगाव : समिती राजपुताना क्रिकेट लीग, जिल्हा जळगाव यांच्या वतीने “समाज संघटन हेच ध्येय” या ब्रीदवाक्याखाली राजपुताना क्रिकेट लीग (RCL) – 2026 चे भव्य आयोजन करण्यात आले आहे. ही स्पर्धा दिनांक 5 ते 8 फेब्रुवारी 2026 या कालावधीत मानराज पार्क मैदान, पिंप्राळा, जळगाव येथे संपन्न होणार आहे.
या क्रिकेट लीगचा उद्घाटन समारंभ गुरुवार, 5 फेब्रुवारी 2026 रोजी सायंकाळी 6.30 वाजता आयोजित करण्यात आला असून, प.पू. महामंडलेश्वर स्वामी श्री जनार्दनजी हरी महाराज, सतपंथ चॅरीटेबल ट्रस्ट, वढोदा (फैजपूर), जिल्हा जळगाव यांच्या शुभहस्ते उद्घाटन होणार आहे. तर समारोप सोहळा रविवार, 8 फेब्रुवारी 2026 रोजी सायंकाळी 7.30 वाजता पार पडणार आहे.
या स्पर्धेसाठी ब्रँड अँबेसेडर म्हणून मा. ना. श्री. जयकुमारजी रावल, पणन व राजशिष्टाचार मंत्री, महाराष्ट्र राज्य तसेच मा. आ. श्री. किशोरआप्पा पाटील, आमदार पाचोरा–भडगाव विधानसभा यांची प्रमुख उपस्थिती लाभणार आहे.
राजपुताना क्रिकेट लीग–2026 साठी अनेक मान्यवर प्रायोजकांचे सहकार्य लाभले आहे.
मुख्य व सहप्रायोजक म्हणून श्री राष्ट्रीय राजपूत करणी सेनेचे प्रदेश कार्यकारी अध्यक्ष श्री. प्रविणसिंग पाटील, जळगाव,
युट्यूब प्रायोजक – केवल हॉस्पिटल, CARE LORE FAPRESS,
डॉ. गजानन पाटील, जळगाव,
कृपासिंधु बिल्डर्स अँड डेव्हलपर्स (प्रो. महेंद्रसिंग इंदरसिंग पाटील, जळगाव),
अॅड. रघुवीरसिंग महेंद्रसिंग पाटील,
ऐतिहासिक दालन प्रायोजक – श्री. वसंत मुंडलिक माराम पाटील,
सुयोग इन्फ्रास्ट्रक्चर अँड डेव्हलपर्स, जळगाव यांचे विशेष सहकार्य लाभत आहे.
ही लीग केवळ क्रीडा स्पर्धा नसून समाजातील युवकांना एकत्र आणून समाज संघटन, एकता आणि सांस्कृतिक ओळख वृद्धिंगत करण्याचा प्रयत्न असल्याचे आयोजकांनी सांगितले. जिल्ह्यातील क्रीडाप्रेमी नागरिकांनी मोठ्या संख्येने उपस्थित राहून या क्रिकेट महोत्सवाचा आनंद घ्यावा, असे आवाहन समितीच्या वतीने करण्यात आले आहे.
