Spread the love

Rape by father | पित्यानं अल्पवयीन मुलीवर अनेकदा बलात्कार केल्याची संतापजनक घटना उघडकीस आली आहे. पीडित मुलगी चार महिन्यांची गर्भवती असल्याचं वैद्यकीय तपासणीत समोर आलं असून, आरोपी नराधम वडिलांना अटक करण्यात आली आहे.

Rape by father :१४ वर्षीय पीडित गर्भवती, आरोपी अटकेत

मध्यप्रदेशातील जबलपूर जिल्ह्यात माणुसकीला काळिमा फासणारी संतापजनक घटना उघडकीस आली आहे. मझौली पोलीस ठाण्याच्या हद्दीत राहणाऱ्या एका नराधम पित्याने आपल्या १४ वर्षीय अल्पवयीन मुलीवर वारंवार लैंगिक अत्याचार केल्याचं समोर आलं आहे. या अत्याचारामुळे संबंधित मुलगी गर्भवती राहिली असून, वैद्यकीय तपासणीनंतर हा सर्व प्रकार उघडकीस आला. पोलिसांनी तात्काळ आरोपी वडिलांना अटक केली असून त्यांच्याविरुद्ध पॉक्सो कायद्यांतर्गत गुन्हा दाखल करण्यात आला आहे.

Rape by father: गर्भवती असल्याचं तपासणीतून स्पष्ट

४ जुलै रोजी पीडित मुलीला पोटात तीव्र वेदना होऊ लागल्याने तिच्या वडिलांनी तिला जबलपूर मेडिकल कॉलेज रुग्णालयात दाखल केलं. वैद्यकीय तपासणीदरम्यान डॉक्टरांनी ती मुलगी चार महिन्यांची गर्भवती असल्याचं निदर्शनास आणलं. यानंतर तिचा वैध गर्भपात (MTP) करण्यात आला. ही माहिती समोर आल्यानंतर डॉक्टरांनी तात्काळ पोलिसांना कळवले. Rape by father

गुजरातमध्ये बलात्काराचा बनाव

सुरुवातीला पीडित मुलीच्या कुटुंबीयांनी पोलिसांना कोणतीही स्पष्ट माहिती देण्यास टाळाटाळ केली. त्यांनी दावा केला की ही घटना गुजरातमध्ये घडली असून तेथील एखाद्या व्यक्तीने मुलीवर अत्याचार केला. पोलिसांनी शून्य क्रमांकाचा गुन्हा नोंदवून प्रकरण गुजरात पोलिसांकडे वर्ग केलं. मात्र, यानंतरही तपास सुरु ठेवत जबलपूर पोलिसांनी आरोपी वडिलांचा मोबाईल ट्रॅक केला असता, तो गुजरातला गेलाच नव्हता, तर मझौली परिसरातच असल्याचं समोर आलं.

पीडितेचा धक्कादायक खुलासा

पोलिसांनी यानंतर पीडित मुलीची सखोल चौकशी केली असता तिने धक्कादायक माहिती दिली. होळीच्या सुमारास तिचे आजोबा मरण पावल्यामुळे आई आणि बहिण माहेरी गेल्या होत्या. त्या दिवशी घरी ती, तिचे वडील आणि लहान भाऊच होते. याच काळात पित्याने तिच्यावर पहिल्यांदा अत्याचार केला. त्यानंतरही त्याने तिला धमकावत वारंवार बलात्कार केला.

POSCO अंतर्गत गुन्हा, आरोपी वडील तुरुंगात

पीडितेचा जबाब, वैद्यकीय अहवाल आणि तपासाच्या निष्कर्षांवरून पोलिसांनी आरोपी पित्याला अटक केली आहे. त्याच्याविरुद्ध बाल लैंगिक अत्याचार प्रतिबंधक कायदा (POSCO) अंतर्गत गंभीर गुन्हा दाखल करण्यात आला असून न्यायालयाच्या आदेशानुसार त्याला तुरुंगात पाठवण्यात आलं आहे.ही घटना समाजात पुन्हा एकदा मुलींच्या सुरक्षेबाबत चिंतेची बाब ठरली आहे. Rape by father in Jabalpur

POSCO कायदा म्हणजेच Protection of Children from Sexual Offences Act, 2012 (लैंगिक अत्याचारापासून बालकांचे संरक्षण कायदा) हा भारत सरकारने तयार केलेला एक विशेष कायदा आहे, जो 18 वर्षांखालील बालकांवरील लैंगिक अत्याचार, छळ, शोषण, अश्लीलता आणि बाल लैंगिक गुन्ह्यांपासून संरक्षण देण्यासाठी बनवण्यात आला आहे.

POSCO कायद्याची महत्त्वाची वैशिष्ट्ये:

1. 18 वर्षांखालील सर्व मुलगे व मुली संरक्षित:
या कायद्यानुसार कोणतीही व्यक्ती जी 18 वर्षांखालील बालकावर लैंगिक अत्याचार करते, तिच्यावर गुन्हा दाखल होतो.

2. सर्व प्रकारच्या लैंगिक अत्याचारांना शिक्षा:

लैंगिक छळ (Sexual harassment)

अश्लील स्पर्श (Sexual assault)

गंभीर लैंगिक अत्याचार (Aggravated sexual assault)

लैंगिक संबंध ठेवणे किंवा बलात्कारसदृश्य कृत्ये (Penetrative assault)

3. गोपनीयता:

पीडित मुलाचे नाव, ओळख किंवा चेहरा प्रसारमाध्यमांमध्ये प्रसिद्ध करता येत नाही. गोपनीयतेचे काटेकोर पालन बंधनकारक आहे.

4. फास्ट ट्रॅक कोर्ट:
POSCO गुन्ह्यांची सुनावणी जलदगतीने करण्यासाठी विशेष न्यायालयांची तरतूद.

5. बालकानुकूल प्रक्रिया:

मुलाच्या जबाबासाठी विशेषतः प्रशिक्षित महिला अधिकारीमुलाला सुरक्षित वातावरणात जबाब देण्याची सुविधा रुग्णालयात, पोलीस स्टेशनमध्ये मुलाचा छळ होऊ नये यासाठी दक्षता

6. खोट्या तक्रारीसाठी शिक्षा:

जर कोणी जाणीवपूर्वक खोटी तक्रार केली तर त्यालाही शिक्षा होऊ शकते.

शिक्षा काय आहे POSCO अंतर्गत?

साध्या लैंगिक अत्याचारासाठी: 3 ते 5 वर्षांपर्यंत शिक्षा + दंड,गंभीर लैंगिक अत्याचारासाठी: किमान 10 वर्षांपासून आजन्म कारावा सबालकाचा मृत्यू झाल्यास: मृत्यूदंड किंवा आजन्म कारावास

जर वडील, शिक्षक, किंवा नातेवाईकाने 14 वर्षीय मुलीवर अत्याचार केला, तर POSCO अंतर्गत गुन्हा दाखल होतो आणि शिक्षा अधिक कठोर होते, कारण आरोपी “विश्वासातील व्यक्ती” असतो.