मंत्री नरहरी झिरवाळ यांच्यासोबत कथित व्हिडीओमध्ये दिसणाऱ्या तृतीयपंथीचे अनेक आमदार, राजकीय नेत्यांसोबत संबंध

Spread the love

मुंबई | प्रतिनिधी :
राज्याचे अन्न व औषधी प्रशासन मंत्री नरहरी झिरवाळ यांच्याशी संबंधित कथित व्हायरल व्हिडीओ प्रकरणाला नवे वळण मिळाले आहे. या व्हिडीओमध्ये दिसणाऱ्या तृतीयपंथी व्यक्तीबाबत गंभीर दावे समोर आले असून, त्याचे अनेक आमदार आणि राजकीय नेत्यांशी संबंध असल्याचा आरोप करण्यात आला आहे. या घडामोडींमुळे राज्यातील राजकारणात मोठी खळबळ उडाली आहे.मोबाईलमध्ये अनेक व्हिडीओ” तृतीयपंथी व्यक्तीचे भाऊ रवी यादव यांनी महाराष्ट्राची झोप उडवणारा दावा केल्याने खळबळ उडाली आहे.

मंत्री नरहरी झिरवाळांचा आक्षेपार्ह व्हिडिओ व्हायरल; राजकीय वर्तुळात खळबळ

मंत्री नरहरी झिरवाळ यांच्यासोबत कथित व्हिडीओमध्ये दिसणाऱ्या तृतीयपंथीचे अनेक आमदार, राजकीय नेत्यांसोबत संबंध

भावाचा दावा; “मोबाईलमध्ये अनेक व्हिडीओ”
तृतीयपंथी व्यक्तीचे भाऊ रवी यादव यांनी माध्यमांशी बोलताना सांगितले की, संबंधित व्यक्तीच्या मोबाईलमध्ये अनेक आमदार आणि नेत्यांशी संबंधित व्हिडीओ असल्याचा त्यांचा दावा आहे.
या सर्व प्रकरणाची सखोल चौकशी झाल्यास मोठे खुलासे होऊ शकतात, असेही त्यांनी म्हटले आहे.

“मंत्री झिरवाळ यांच्याशीही संबंध”
रवी यादव यांच्या म्हणण्यानुसार, कथित व्हायरल व्हिडीओमध्ये दिसणारी व्यक्ती मंत्री नरहरी झिरवाळच आहेत. संबंधित तृतीयपंथी व्यक्तीचे झिरवाळ यांच्याशीही अनेकदा संबंध होते, असा आरोप त्यांनी केला आहे.

ब्लॅकमेलिंगचा संशय
या प्रकरणात ब्लॅकमेलिंगचा अँगलही समोर येत आहे. संबंधित तृतीयपंथी व्यक्तीने काही पद किंवा लाभ मिळवण्यासाठी राजकीय नेत्यांशी जवळीक वाढवली आणि नंतर त्याचा गैरफायदा घेण्याचा प्रयत्न केल्याचा संशय व्यक्त केला जात आहे.
धमक्यांचा आरोप
हे प्रकरण उघड केल्यानंतर काही अज्ञात व्यक्तींकडून धमक्या येत असल्याचा गंभीर आरोपही रवी यादव यांनी केला आहे. त्यामुळे या प्रकरणाची संवेदनशीलता अधिकच वाढली आहे.

चौकशीची मागणी
या सर्व घडामोडींमुळे प्रकरणाची सखोल चौकशी करण्याची मागणी आता जोर धरत आहे. सत्य काय आहे, याचा उलगडा करण्यासाठी संबंधित यंत्रणांनी तातडीने पावले उचलावीत, अशी मागणी होत आहे.
महत्त्वाची नोंद
या प्रकरणातील सर्व आरोप हे संबंधित व्यक्तींनी केलेले असून, त्याची अधिकृत पुष्टी झालेली नाही. त्यामुळे वाचकांनी अफवांवर विश्वास ठेवू नये आणि अधिकृत माहितीकडेच लक्ष द्यावे.