जळगाव : तुम्ही गुंतवणूक करत असल्यास, LIC तुमच्या गुंतवणुकीसाठी एक चांगली योजना घेऊन आली आहे. ज्यामध्ये तुम्ही दररोज 260 रुपये गुंतवून 54 लाखांपर्यंत सहज कमवू शकता. आजच्या काळात गुंतवणुकीबाबत अनेक पर्याय आहेत, परंतु तरीही बहुतांश लोक सरकारी योजना (Government Scheme) आणि पेन्शन योजनांमध्ये पैसे गुंतवतात. कारण या योजनांमध्ये गुंतवणूक करणे सुरक्षित आहे आणि अधिक पैसे उभे करण्याचा पर्याय देखील आहे.
विमा किंवा इन्शुरन्समध्ये सुरक्षित गुंतवणुकीसाठी बहुतेक लोक भारतीय आयुर्विमा महामंडळ (LIC) वर अधिक अवलंबून असतात. यामध्ये गुंतवणूक करण्यासाठी तुमच्याकडे जास्त पैसे असणे आवश्यक नाही. या योजनांमध्ये कमी पैशातही गुंतवणूक करता येते. LIC ची अशीच एक योजना म्हणजे जीवन लाभ पॉलिसी (LIC Jeevan Labh Policy) आहे. ही एक मर्यादित प्रीमियम पेमेंटसह नॉन-लिंक प्रॉफिट योजना आहे. या पॉलिसी अंतर्गत, पॉलिसीधारकाला मॅच्युरिटी पूर्ण झाल्यावर एकरकमी रक्कम दिली जाते. मात्र, पॉलिसीधारकाचा मृत्यू झाल्यास त्याच्या कुटुंबाला आर्थिक मदत केली जाते. ही स्टॉक मार्केट लिंक्ड योजना नाही. यामध्ये मर्यादित कालावधीत गुंतवणूक केली जाते.
काय आहेत योजनेचे फायदे
एलआयसीची जीवन लाभ पॉलिसी योजना (LIC Jeevan Labh Policy Yojana) मुदतपूर्तीच्या वेळी पॉलिसीधारकाला पूर्ण विम्याच्या रकमेसह रिवर्सिंनरी बोनस आणि अंतिम अतिरिक्त बोनसचा लाभ देते. विमाधारक व्यक्ती 10, 13 आणि 16 वर्षांसाठी विमा प्रीमियम जमा करू शकते आणि त्यांना 16 ते 25 वर्षांनी पैसे दिले जातील. ही योजना 8 वर्षे वयापासून घेतली जाऊ शकते आणि कमाल वय 59 वर्षे आहे. 59 वर्षांसाठी विमा घेणारे लोक फक्त 16 वर्षांसाठी टर्म प्लॅन निवडू शकतात आणि त्यांना 75 वर्षांमध्ये विम्याचा लाभ दिला जाईल.
असे मिळतील 54 लाख रुपये
तुमचे वय 25 वर्षे असल्यास आणि तुम्ही 25 वर्षांच्या मॅच्युरिटी कालावधीसाठी एलआयसी जीवन बीमा लाभ पॉलिसीसाठी गुंतवणूक योजना बनवल्यास, तुम्हाला 54 लाख रुपयांपर्यंतची रक्कम दिली जाऊ शकते. ही रक्कम मिळवण्यासाठी तुम्हाला दररोज 260 रुपये गुंतवावे लागतील. म्हणजेच, तुम्हाला वार्षिक 92,400 रुपये प्रीमियम भरावा लागेल, जो 25 वर्षांत 20 लाख रुपये होईल. यानंतर, तुम्हाला रिव्हर्शनरी बोनस आणि अंतिम अतिरिक्त बोनससह एकूण 50 ते 54 लाख रुपये मिळतील.
