Crime News: केज तालुक्यात नात्याला काळीमा फासणारी घटना उघड, चुलत्याने पुतणीला गुंगीचे औषध देत अत्याचार; आरोपी फरार, पोलिसांचा शोध सुरू
केज तालुक्यातील एका खेडेगावात नात्याला काळीमा फासणारी धक्कादायक घटना समोर आली आहे. ५० वर्षीय चुलत चुलत्याने आपल्या २५ वर्षीय विवाहित पुतणीला गुंगीचे औषध पाजून तिच्यावर लैंगिक अत्याचार केल्याची घटना तब्बल पाच महिन्यांनंतर उघड झाली आहे. या घटनेमुळे परिसरात संतापाची लाट उसळली आहे.
पाण्यातून गुंगीचे औषध देत अत्याचार
मिळालेल्या माहितीनुसार, १४ ऑक्टोबर २०२५ रोजी दुपारी सुमारे १:३० ते ३:३० वाजण्याच्या दरम्यान ही घटना घडली. पीडित तरुणी माहेरी आली असताना शेतवस्तीवर राहणाऱ्या चुलत्याने तिला पाण्यातून गुंगी आणणारे औषध पाजले. त्यानंतर तिच्यावर लैंगिक अत्याचार करण्यात आला.
धमकीमुळे पाच महिने शांतता
घटनेनंतर आरोपीने “ही गोष्ट कोणाला सांगितली तर तुझ्या आई-वडिलांना ठार मारेन” अशी धमकी दिल्यामुळे पीडित तरुणी भीतीमुळे गप्प राहिली. मात्र काही काळानंतर तिने धैर्य दाखवत आई-वडिलांना संपूर्ण घटना सांगितली.
पोलिसांत गुन्हा दाखल
पीडितेच्या फिर्यादीवरून युसुफ वडगाव पोलिस ठाण्यात आरोपी चुलत चुलत्याविरुद्ध गुन्हा रजिस्टर क्रमांक ६८/२०२६ अंतर्गत भा.न्या.सं. ६४(२)(एफ), ३५१(२) अन्वये गुन्हा दाखल करण्यात आला आहे. सहाय्यक पोलीस निरीक्षक मच्छिंद्रनाथ शेंडगे यांच्या मार्गदर्शनाखाली उपनिरीक्षक भारत बर्डे पुढील तपास करत आहेत.
आरोपी फरार; पोलिसांचा शोध सुरू
घटनेनंतर आरोपी फरार झाला असून तो जिल्ह्याबाहेर लपल्याची शक्यता वर्तवली जात आहे. पोलिस त्याच्या मागावर असून लवकरच त्याला अटक करण्यात येईल, असा विश्वास व्यक्त करण्यात आला आहे.
समाजात संतापाची लाट
नातेसंबंधाच्या पवित्रतेला धक्का देणाऱ्या या घटनेमुळे नागरिकांमध्ये संताप व्यक्त होत आहे. पीडितेला न्याय मिळावा आणि आरोपीला कठोर शिक्षा व्हावी, अशी मागणी होत आहे.
Job Alert
SSB : कॉन्स्टेबल, ट्रेड्समन & ड्राइवर, 827 पदांसाठी लगेच करा अर्ज
MPSC Recruitment 2026: 271 गट-अ पदांसाठी मोठी भरती; 9 एप्रिलपर्यंत अर्ज करा
भारतीय संविधानातील ६ मौलिक अधिकार सविस्तर माहिती,हे तुम्हाला माहिती पाहिजेचं…
Indian Navy : अग्निवीर पदांकारिता 10वी पास उमेदवारांसाठी सुवर्णसंधी, अर्ज सुरू!
सेंट्रल रेल्वेत 51 पदांसाठी भरती ,परीक्षा नाही
भुसावळ , पुणे आणि सोलापूर येथे मिळणार नियुक्ती
UPSC : 1358 CMS पदांसाठी भरती जाहीर
Job Alert : छत्रपती संभाजीनगर महानगरपालिका येथे 222 जागांसाठी मोठी भरती, 31 मार्च शेवटची तारीख
भुसावळ ECHS भरती जाहीर; स्थानिक उमेदवारांसाठी मोठी संधी
ताज्या अपडेट जाणून घेण्यासाठी: http://najarkaid.com
इतर बातम्या…
Best Term Insurance: ₹500 दरमहा भरून ₹1 कोटी कव्हर शक्य आहे का? जाणून घ्या सत्य!
Axis Bank Insurance : कमी प्रीमियम + जास्त फायदे! पॉलिसी निहाय संपूर्ण माहिती वाचा
कौटुंबिक वादातून भलतंच घडलं: दोन्ही ठिकाणी पत्नीची हत्या, परिसरात खळबळ
