जळगाव – महाराष्ट्र राज्य सांस्कृतिक धोरण 2010 अंतर्गत राज्याच्या प्रत्येक जिल्ह्याच्या ठिकाणी तसेच जिल्ह्यातील शहरी व ग्रामिण भागातील लोकांमध्ये वाचनसंस्कृती वाढावी या उद्देशाने दरवर्षी जिल्हा ग्रंथालय कार्यालयामार्फत गंथोत्सवाचे आयोजन करण्यात येते.त्यानुसार 2020 या वर्षाचा ग्रंथोत्सव जिल्हाधिकारी यांच्या अध्यक्षतेखाली जिल्हा ग्रंथोत्सव संयोजक समिती गठीत करण्यात आली होती.या वर्षीचा ग्रंथात्सव 14 व 15 मार्च 2020 या दोन दिवसात आयोजित करण्याचे संयोजक समितीने निश्चित केले होते.
राज्याच्या मुख्य सचिवांनी 05 मार्च 2020 रोजीच्या व्हीडीओ कॉन्फरन्सद्वारे राज्यातील कोरोना व्हायरस चा प्रसार रोखण्यासाठी खबरदारीचा उपाय म्हणून सार्वजनिक कार्यक्रम घेण्यात येवू नयेत अशा सूचना दिल्यामुळे राज्याचे गंथालय संचालक मुंबई यांनी दिनांक 14 व 15 मार्च रोजी आयोजित जळगाव जिल्हा ग्रंथोत्सव 2019 हा कार्यक्रम रद्द करण्यात यावा असे जिल्हा ग्रंथोत्सव समन्वय समितीला कळविले असल्याने ग्रंथोत्सव कार्यक्रम रद्द करण्यात आला आहे. तरी याची सर्व लोकप्रतिनिधी,नागरिक,ग्रंथविक्रेते,प्रकाशक,सार्वजनिक ग्रंथालयांचे पदाधिकारी,वाचक व सर्व संबंधितांनी नोंद घ्यावी,असे आवाहन जिल्हा ग्रंथालय अधिकारी तथा सदस्य सचिव जिल्हा ग्रंथोत्सव संयोजक समिती,जळगाव सुहास रोकडे यांनी एका प्रसिध्दी पत्रकान्वये केले आहे.
