जळगाव – केसीई सोसायटीच्या शिक्षणशास्त्र व शारीरिक शिक्षणशास्त्र महाविद्यालयाचे वार्षिक स्नेहसंमेलन 28 व 29 जानेवारी रोजी असून यानिमित्त शुक्रवार 27 रोजी वार्षिक क्रीडा स्पर्धांचे आयोजन करण्यात आले होते.
या क्रीडा स्पर्धेत शिक्षणशास्त्र महाविद्यालय, शारीरिक शिक्षणशास्त्र महाविद्यालय आणि अध्यापक महाद्यालयातील खेळाडूंचा समावेश होता. स्पर्धेचे उदघाटन शिक्षणशास्त्र व शारीरिक शिक्षणशास्त्र महाविद्यालयाचे प्राचार्य डॉ. अशोक राणे यांच्या हस्ते करण्यात आले. या प्रसंगी त्यांनी खेळाडूंना विविध खेळासाठी शुभेच्छा दिल्या. उदघाटनप्रसंगी प्रा. डॉ. शैलेजा भंगाळे, प्रा. डॉ रंजना सोनवणे, प्रा.अंजली बन्नापुरे, प्रा. निलेश जोशी, प्रा. प्रवीण कोल्हे, पंकज पाटील, प्रा. शालिनी तायडे, प्रा. गणेश पाटील, प्रा किसन पावरा, प्रा. केतन चौधरी, ग्रंथपाल मनीष वनकर आदी उपस्थित होते. यशस्वीतेसाठी प्रा. संगीता पाटील, प्रा. अंजली बन्नापुरे, तसेच शिक्षक व शिक्षकेतर कर्मचाऱ्यांनी परिश्रम घेतले. क्रीडा स्पर्धेत 100 मीटर धावणे, थाळीफेक, गोळाफेक, रस्सीखेच, संगीत खुर्ची, क्रिकेट, बुद्धिबळ, कॅरम, अशा बाबींचा समावेश केला .
