नवी दिल्ली – ऐन पगाराच्या वेळी देशभरातील सर्व सरकारी बँकांच्या कर्मचाऱ्यांना संप पुकारला आहे. हा संप 31 जानेवारी (शुक्रवार) आणि 1 फेब्रुवारी (शनिवार) असा दोन दिवसांचा आहे. तरीही रविवारी अर्थात 2 फेब्रुवारी रोजी सुटी असल्याने सलग तीन दिवस बँका बंद असणार आहेत. त्यामुळे, आता बँका थेट सोमवारी उघडणार आहेत. बँक कर्मचाऱ्यांच्या युनायटेड फोरम ऑफ बँक युनियन्स आणि इंडियन बँक असोसिएशन या दोन मध्यवर्ती संघटनांनी हा बंद पुकारला आहे. वेतन वाढ आणि सुधारणा अशा मागण्यांसह बंद पाळला जाणार याची घोषणा गुरुवारीच करण्यात आली होती.
देशभरात या संपाची हाक देण्यात आली असून त्याला इंडियन बँक असोसिएशन आणि युनायटेड फोरम ऑफ बँक युनियन्सशी संबंधित इतर 9 संघटनांनी पाठिंबा दिला आहे. यात ‘युनायटेड फोरम ऑफ बँक युनियन्स’ अंतर्गत ‘ऑल इंडिया बँक एम्प्लॉइज असोसिएशन, ऑल इंडिया बँक ऑफिसर्स कॉन्फेडरेशन, नॅशनल कॉन्फेडरेशन ऑफ बँक एम्प्लॉइज, ऑल इंडिया बँक ऑफिसर्स असोसिएशऩ, बँक एम्प्लॉईज फेडरेशन ऑफ इंडिया इत्यादींचा समावेश आहे.
