जळगाव, नजरकैद न्यूज दि. १० जानेवारी २०२६ (प्रतिनिधी) — जळगाव महानगरपालिका निवडणुकीच्या पार्श्वभूमीवर प्रभाग क्रमांक १२ मध्ये भारतीय जनता पक्ष व महायुतीच्या उमेदवारांचा प्रचार जोरात सुरू असून, विविध भागांत जनसंपर्क व बैठका घेतल्या जात आहेत.
या पार्श्वभूमीवर प्रभाग १२ मधील भाजपा उमेदवार गायत्री इंद्रजीत राणे (१२-क), नितीन मनोहर बरडे (१२-ड) आणि अनिल सुरेश अडकमोल (१२-अ) यांच्या प्रचारासाठी पदाधिकारी व कार्यकर्त्यांनी एकत्र येत प्रचाराला गती दिली.
या प्रचार उपक्रमात भाजप जिल्हा सरचिटणीस राहुल वाघ, जळगाव मंडळ क्रमांक ३ चे पदाधिकारी, सरदार वल्लभभाई पटेल मंडळ (रामानंद नगर व महाबळ परिसर) अध्यक्ष अजित राणे यांच्यासह पक्षाचे अनेक ज्येष्ठ व युवा कार्यकर्ते उपस्थित होते.
नंदनवन कॉलनी, सुरेश नगर, स्टेट बँक कॉलनी आदी भागांत प्रचार करताना नागरिकांशी थेट संवाद साधण्यात आला. प्रभागातील मूलभूत सुविधा, पायाभूत विकास, स्वच्छता, रस्ते, पाणीपुरवठा तसेच नागरिकांच्या दैनंदिन समस्या याबाबत उमेदवारांनी मतदारांशी चर्चा केली.
या वेळी रणजीत राणे, डॉ. विजय फिरके, जयंत राणे, निरंजन नेमाडे, इंद्रजीत राणे, सुनील नरसिंहराव पाटील, अजिंक्य पाटील, सुरज चौधरी, नीरज बरडे, पियुष महाजन, भावेश कोल्हे, केतन अत्तरदे, पवन शिरसाळे, रवींद्र पाटील, दिपेश देशमुख, रोहित देवरे, तन्मय राणे, अजय चौधरी, विलास राणे, सोनू पाटील, सागर ढेगे, संजय अत्रे, राजेश शिरसाठ, सचिन अडकमोल, बबलू शिंदे, राजेश साळुंखे, नरेंद्र मोरे, सचिन बोरसे, मिलिंद नारखेडे, खुशाल महाजन, संकेत कापसे, संतोष भंगाळे, ललित पाटील, संतोष पाटील यांच्यासह मोठ्या संख्येने कार्यकर्ते उपस्थित होते.
प्रभागातील विकासासाठी भाजप महायुतीच्या उमेदवारांना संधी द्यावी, असे आवाहन यावेळी कार्यकर्त्यांनी नागरिकांना केले. प्रचारादरम्यान नागरिकांचा सकारात्मक प्रतिसाद मिळत असल्याचेही पदाधिकाऱ्यांनी सांगितले.
