पाचोरा :- महाराष्ट्र राज्य परिक्षा मंडळातर्फे फेब्रुवारी महिन्यात घेण्यात आलेल्या पुर्व उच्च प्राथमिक शिष्यवृत्ती परीक्षेत राज्यातील सी.बी.एस.सी. व आय.सी.एस.ई. शाळांमधुन निर्मल इंटरनॅशनल स्कुलची इयत्ता ५ वी तील विद्यार्थींनी ईश्र्वरी सुनिल पाटील राज्यातुन प्रथम आली आहे.
तिने ९५.१३ टक्के गुण मिळवुन देदीप्यमान यश संपादन केले आहे. तिच्या या उत्तुंग यशाबद्दल शाळेत, शहरात तसेच पंचक्रोशीत सर्वत्र कौतुक होत आहे. कु. ईश्र्वरी ही पाचोरा येथील सुप्रसिध्द नेत्ररोग तज्ज्ञ डॉ. सुनिल पाटील यांची सुकन्या आहे. तिच्या या यशाबद्दल संस्थेच्या अध्यक्षा वैशाली सूर्यवंशी, सचिव नरेंद्रसिंग सुर्यवंशी, शालेय शिक्षण संचालक डॉ. भगवान सावंत, प्रभारी प्राचार्य प्रदिप सोनवणे, उपप्राचार्य गणेश राजपुत, प्रशासकीय अधिकारी संतोष पाटील यांनी तिचे व तिला मार्गदर्शन करणाऱ्या शाळेतील सर्व शिक्षकांचे अभिनंदन केले आहे.
