मराठा आरक्षणासाठी मनोज जरांगे पाटील यांचा मोर्चा; अखेर आझाद मैदानावर आंदोलनाला परवानगी

मुंबई – मराठा आरक्षणाच्या मागणीसाठी मनोज जरांगे पाटील यांच्या नेतृत्वाखाली आज (२७ ऑगस्ट) आंतरवली सराटी येथून मुंबईकडे भव्य मोर्चाची सुरुवात झाली आहे. गणेशोत्सवाच्या पार्श्वभूमीवर हा मोर्चा पुढे ढकलावा यासाठी मुख्यमंत्री देवेंद्र फडणवीस यांनी मंगळवारी आपल्या OSD (विशेष कार्यकारी अधिकारी) यांना जरांगे यांच्या भेटीस पाठवले होते. या माध्यमातून सण काळात मोठ्या प्रमाणावर आंदोलन होऊ नये, यासाठी समजूत घालण्याचा प्रयत्न करण्यात आला. मात्र, जरांगे यांनी मोर्चा वेळेवर म्हणजेच २७ ऑगस्ट रोजीच निघणार असल्याचा ठाम निर्णय घेतला.najarkaid.com

उच्च न्यायालयाने नाकारली परवानगी

दरम्यान, मुंबई उच्च न्यायालयाने आझाद मैदानावर आंदोलनासाठी परवानगी नाकारल्यामुळे मोठा पेच निर्माण झाला होता. आंदोलनकर्त्यांनी पुढील टप्प्यात नेमके कुठे ठाण मांडायचे, याकडे सर्वांचे लक्ष लागले होते.najarkaid.com

अखेर मुंबई पोलिसांची मान्यता

परवानगीच्या या प्रश्नावर शेवटी सुटकेचा श्वास घेण्यासारखी बातमी समोर आली आहे. मुंबई पोलिसांनी मनोज जरांगे पाटील यांच्या नेतृत्वाखालील आंदोलनाला अखेर अटी शर्तीसह आझाद मैदानावर परवानगी दिल्याचे समजते. यामुळे आंदोलकांचा उत्साह आणखी वाढला असून, मोठ्या प्रमाणावर कार्यकर्ते आता मुंबईत दाखल होण्याची शक्यता आहे.najarkaid.com

पुढील दिशा काय?

मनोज जरांगे पाटील यांनी मराठा समाजासाठी आरक्षण मिळवून देण्यासाठी सुरू केलेला हा मोर्चा आता निर्णायक टप्प्यात प्रवेश करीत आहे. आझाद मैदानावर होणाऱ्या आंदोलनातून सरकारवर आणखी दबाव वाढणार आहे. पुढील काही दिवसांत सरकार यावर काय भूमिका घेते, याकडे संपूर्ण राज्याचे लक्ष लागले आहे.najarkaid.com

सरकारी नोकरी कुठे? वाचा –

बँक ऑफ महाराष्ट्र : 500 पदांकारिता भरती सुरू, पगार ₹93,960 इतका

नवी मुंबई महानगरपालिका भरती २०२५

NIACL Recruitment 2025: न्यू इंडिया ॲश्युरन्स कंपनीत 550 जागांसाठी मेगा भरती; 90,000 रुपये पगाराची संधी

LIC Recruitment 2025: एलआयसीमध्ये ८४१ पदांसाठी भरती सुरू, अर्ज प्रक्रिया जाणून घ्या