Spread the love

लोकसभा निवडणुकीत महाविकास आघाडीला मोठं यश मिळाल्यानंतर आगामी विधानसभा निवडणूका स्वबळावर लढण्याचा नारा महाविकास आघाडीतल्या घटक पक्ष असलेल्या काँग्रेसच्या प्रदेशाध्यक्ष नाना पटोले यांनी माध्यमासमोर सांगितल्यावर महाविकास आघाडीत बिघाडी की काय अशाचं चर्चा रंगू लागल्या होत्या दरम्यान आज महाविकास आघाडीच्या प्रमुख नेत्यांनी मुंबईतल्या वायबी सेंटरमध्ये महाविकास आघाडीची बैठक बोलावली होती बैठकीला शरद पवार, उद्धव ठाकरे, पृथ्वीराज चव्हाण, जयंत पाटील, आदित्य ठाकरे यांच्यासह महाविकास आघाडीच्या नेत्यांची उपस्थिती होती, बैठकीनंतर काँग्रेसचे जेष्ठ नेते यांनी आगामी विधानसभा निवडणुका लोकसभा निवडणुकीतप्रमाणे पूर्ण ताकदीने लढणार असल्याचं जाहीर केलं आहे,महाविकास आघाडीच्या या निर्णयामुळे महायुतीसाठी मोठं आव्हान उभं राहणार आहे.

महाविकास आघाडीची एकत्रित पत्रकार परिषद

महाविकास आघाडीच्या बैठकीनंतर आयोजित पत्रकार परिषदेमध्ये माजी मुख्यमंत्री तथा काँग्रेसचे ज्येष्ठ नेते पृथ्वीराज चव्हाण यांनी आगामी निवडणुका एकत्रित लढणार असल्याचं म्हटलं आहे. जशा लोकसभेच्या निवडणुका झाल्या तशाच आणि त्याच ताकदीने आम्ही विधानसभा लढणार आहोत, असं चव्हाण म्हणाले.दरम्यान काँग्रेस प्रदेशाध्यक्ष नाना पटोले यांनी आजच्या बैठकीला दांडी मारल्याने काँग्रेसमध्ये नेमकं काय चाललंय याबाबत राजकीय चर्चा होतं आहे.असं असलं तरी आजच्या बैठकीनंतर काँग्रेसच्या दिल्ली हायकमांडने राज्यातील आगामी निवडणूकीचे सूत्र माजी मुख्यमंत्री पृथ्वीराज चव्हाण यांच्यावर सोपवली असल्याचे संकेत दिल्याचे दिसून येतं.

पृथ्वीराज चव्हाण म्हणाले की, महाराष्ट्राच्या जनतेचे आभार मानण्यासाठी ही पत्रकार परिषद आयोजित करण्यात आली आहे. मविआला घवघवीत असा पाठिंबा मिळाला आहे. आमचे जरी तीन प्रमुख पक्ष असले तर 30 हुन अधिक संघटना… कम्युनिस्ट पक्ष, समाजवादी पक्ष, आम आदमी पक्ष या सर्वांनी महाराष्ट्रात वातावरण निर्माण करण्यासाठी मोठा वाटा उचलला होता,बलाढ्य शक्ती विरोधात आम्ही लढलो.. पूर्वी झालं नव्हतं तेवढं यावेळेस मोठ्या प्रमाणात धार्मिक ध्रुवीकरण करण्यात आलं होतं. यापुढच्या निवडणुकी आम्ही अशाच ताकदीने लढणार आहोत.” अशी भूमिका चव्हाणांनी स्पष्ट केली.