तरुणांना सोशल मीडियावर व्यक्त होण्यासाठी अनेक प्लॅटफार्म असल्याने काहीतरी नवीन करून पाहण्याचा आजच्या पिढीचा कल असतो या माध्यमातून अनेक कलाकारांना आपल्या कला गुणांना प्रदर्शित करता येते. मात्र काही लोक धोकादायक स्टंट करताना दिसतात, तर काही लोक व्हिडिओ बनवण्यासाठी धोकादायक ठिकाणे निवडतात अशा अनेक घटना आपण ऐकल्या असतील की रिल बनवितांना जीव गमवावा लागला. अशीच एक घटना उघडकीस आली असून या घटनेचा व्हिडीओ कॅमेऱ्यात कैद झाला असून या घटनेने अंगावर काटा आणला आहे.
tw // disturbing
Barabanki: A teenager Farmaan (14) who was purportedly making a video for Instagram reels along the railway tracks was kiIIed when he was struck by a running train. pic.twitter.com/Ysxl895ABD
— زماں (@Delhiite_) September 30, 2023
सविस्तर असे की,,उत्तर प्रदेशातील बाराबंकी येथील जहांगीराबादचा रहिवासी असलेला एक तरुण रील बनवण्याच्या नादात आपला जीव गमावून बसला आहे. फरमान असे या तरुणाचे नाव असून तो 14 वर्षांचा होता.फरमान रेल्वे रुळांवर बेपर्वाईने रील तयार करत असताना त्याला धावत्या ट्रेनने धडक दिली, ज्यात त्याचा मृत्यू झाला. सध्या या घटनेचा धक्कादायक व्हिडिओ सोशल मिडियावर व्हायरल होत आहे.
अहवालानुसार, फरमान आपल्या 3 मित्रांसह मिरवणूक पाहण्यासाठी जात होता. मात्र, मध्येच त्याने रेल्वे क्रॉसिंगजवळ थांबून रुळावर रील बनवण्याचा विचार केला. त्याच्या मित्रांनीही त्याचे म्हणणे मान्य केले. त्यानंतर काहीही विचार न करता फरमान रेल्वे रुळावर जाऊन उभा राहिला व त्याचवेळी ट्रेनने त्याला धडक दिली.
