कोळगाव,ता.भडगाव – कर्मवीर तात्यासाहेब हरि रावजी पाटील,किसान शिक्षण संस्था,भडगाव,संचलीत,गोपीचंद पुना पाटील,विद्यालय तथा कनिष्ठ महाविद्यालय,कोळगाव ता.भडगाव येथे संस्थेचे संस्थापक चेअरमन कर्मवीर तात्यासाहेब हरी रावजी पाटील यांच्या २२ व्या पुण्यस्मरणार्थ,विद्यार्थ्यांमधील सुप्त गुणांना वाव मिळावा म्हणून इयत्ता पाचवी ते बारावी वर्गांमध्ये तीन गट पाडून आंतर शालेय विज्ञान प्रदर्शन आयोजीत करण्यात आले होते,यात एकूण २०१ विद्यार्थ्यांनी उत्स्फुर्तपणे सहभाग नोंदवला.
आंतर शालेय विज्ञान प्रदर्शनाचे उद्घाटन संस्थेचे अध्यक्ष तथा जळगाव जिल्हा मध्यवर्ती सहकारी बँकेचे संचालक आदरणीय प्रतापराव पाटील व संस्थेच्या सचिव डॉ.पुनमताई पाटील यांच्या हस्ते करण्यात आले,यावेळी स्थानिक शाळा समितीचे युवराज पाटील,प्राचार्य सुनिल पाटील,पर्यवेक्षक अनिल पवार आदि मान्यवर उपस्थित होते.
विज्ञान प्रदर्शनातील सहभागी विद्यार्थी तथा त्यांना मार्गदर्शन करणाऱ्या शिक्षकांचे नानासाहेब व ताईसाहेबांनी कौतुक केले,विज्ञान प्रदर्शनात सिमा शिसोदे,सरिता पाटील,प्रा.प्रविणा पाटील,एस.एन.पाटील यांनी परिक्षक म्हणून जबाबदारी पार पाडली.सदर कार्यक्रमाचे प्रास्ताविक राहुल नेरपगार,सुत्रसंचलन एस.ए.वाघ,आभार ए.एस.कोळगावकर यांनी मानले.
विज्ञान प्रदर्शन यशस्वीतेसाठी प्राचार्य सुनिल पाटील व पर्यवेक्षक अनिल पवार यांच्या मार्गदर्शनाखाली सिमा शिसोदे,दिनेश राजपूत,राहुल नेरपगार आदि व इतर शिक्षक-शिक्षकेतर कर्मचारी बंधु-भगिनींनी मोलाचे सहकार्य केले.
