जळगाव,(प्रतिनिधी): आधी दोन मुली, त्यात तिसरीही मुलगी झाल्याने बापानेच आठ दिवसांच्या चिमुरडीच्या तोंडात तंबाखू देऊन तिची हत्या केल्याची धक्कादायक घटना जामनेर तालुक्यातील हरिनगर तांडा येथून उघडकीस आली आहे.दरम्यान आशा कर्मचाऱ्याच्या सतर्कतेमुळे हा प्रकार उघडकीस आल्याने बापाला पोलिसांनी अटक झाली.
गोकुळ गोटीराम जाधव (30) असे या नराधम बापाचे नाव आहे. प्राप्त माहिती नुसार माहितीनुसार, जामनेर तालुक्यातील वाकोदजवळ हरिनगर तांडा येथील रहिवासी गोकुळ जाधव याला दोन मुली आहेत. शनिवार, दि. २ सप्टेंबर रोजी वाकोद प्राथमिक आरोग्य केंद्रात तिसरे अपत्य मुलगी जन्माला आली. रविवार, १० रोजी चिमुरडीची गोकुळने हत्या केली व मृतदेहाची परस्पर विल्हेवाट लावली.
गोकुळने रविवारी चिमुरडीच्या तोंडात तंबाखू देऊन तीला तिला झोळीत झोपविले. यात तिचा मृत्यू झाला. रात्री फर्दापूर ते वाकोद रस्त्यावर खड्डा खोदून मृतदेहाची विल्हेवाट लावल्याचे आरोग्य पथकाच्या तपासात निष्पन्न झाले आहे. गोकुळ जाधवविरुद्ध खुनाचा गुन्हा दाखल करण्यात आला आहे.
गुन्हा असा झाला उघड
आशा स्वयंसेविका जन्माची नोंद घेण्यासाठी गोकुळच्या घरी गेल्या, त्यावेळी चिमुरडी तिथे नव्हती. आशा सेविकेने ही माहिती वरिष्ठांना कळवली. वैद्यकीय अधिकारी डॉ. संदीप कुमावत हे मंगळवारी गावात पोहोचले. त्यांना सुरुवातीला चिमुरडीच्या आजारपणाने मृत्यू झाल्याचे सांगण्यात आले. डॉ. कुमावत यांनी त्याला विश्वासात घेऊन विचारपूस केली. त्यावेळी त्याने चिमरडीला मारल्याची कबली दिली.
