पुणे – गेल्या काही दिवसांमध्ये पुणे शहरात गुन्हेगारीचं प्रमाण वाढलं आहे. त्यामुळे पुण्यात सध्या पोलिसांनी वेगवेगळ्या उपाययोजना राबवायला सुरुवात केली असतांना हॉटेलवरच सऱ्हासपणे सुरु असलेल्या वेश्याव्यवसायाची माहिती पोलिसांना मिळाल्यावर सापळा रचत भंडाफोड केला या प्रकरणी प्रज्योत हिरीअण्णा हेगडे (वय 27, रा. पेरणे फाटा, लोणीकंद) आणि गिरीश शाम शेट्टी (वय 29) यांना अटक करण्यात आली आहे.महत्वाचं म्हणजे, यात एका बांग्लादेशी तरुणीचाही समावेश आहे. लोणीकंद परिसरामधील मनोरा लॉजिंग अँड बोर्डिंग अँड रेस्टॉरंटमध्ये ही कारवाई करण्यात आली आहे.
याप्रकरणी सामाजिक सुरक्षा विभागाच्या महिला पोलीस कर्मचारी रेश्मा कंक यांनी तक्रार दिली आहे. लोणीकंद येथील हॉटेल मनोरामध्ये मोठ्या प्रमाणावर वेश्या व्यवसाय चालत असल्याची माहिती खबऱ्यामार्फत पोलिसांना मिळाली होती. बनावट ग्राहक पाठवून खात्री करण्यात आली. त्यानुसार पोलिसांनी सापळा रचला. त्यानंतर या ठिकाणी छापा टाकत कारवाई करण्यात आली. सुटका करण्यात आलेल्या महिलांमध्ये तीन महिला या पश्चिम बंगालच्या असल्याची माहिती आहे.
सध्या पुणे शहरात गुन्हेगारीचं प्रमाण वाढलं आहे. त्यामुळे पुण्यात सध्या पोलिसांनी वेगवेगळ्या उपाययोजना राबवायला सुरुवात केली आहे. त्यात रात्रीच्या वेळी गस्त घालण्यापासून तर खबऱ्यांकडून माहिती मिळाल्यावर सापळा रचून छापा टाकण्यापर्यंत पोलीस उपाययोजना करण्यात येत आहे आणि अनेक अवैध व्यवसायावर कारवाई देखील करण्यात येत आहे.