पुणे : घरकाम करणार्‍या विधवा महिलेकडे शरीरसुखाची मागणी केल्याप्रकरणी पुण्यातील एसआयडीत नियुक्त असलेल्या एका आयपीएस अधिकार्‍याविरोधात पुण्यात विनयभंगाचा गुन्हा दाखल करण्यात आला आहे.आयपीएस निलेश अष्टेकर असा गुन्हा दाखल झालेल्या अधिकार्‍याचे नाव आहे. याप्रकरणी भारती विद्यापीठ पोलीस ठाण्यात ३१ वर्षीय महिलेने तक्रार दाखल केली आ
या महिलेच्या भाच्याला पोलीस (Police) दलात भरती करण्याचे आश्वासन देऊन अष्टेकर यांनी गैरवर्तन केले असल्याचे फिर्यादीत नमूद करण्यात आले आहे. यासोबतच महिलेला अश्लील व्हिडीओ पाठविल्याचे देखील तक्रारीत म्हटले आहे. आयपीएस अधिकार्‍यावरगुन्हा दाखल झाल्याने राज्य पोलीस दलात मोठी खळबळ उडाली आहे.
निलेश अष्टेकरविरोधात विनयभंग व आयटी अ‍ॅक्टनुसार गुन्हा दाखल करण्यात आला आहे. पोलिसांनी दिलेल्या माहितीनुसार, नीलेश अष्टेकर हा आयपीएस अधिकारी आहे. तो सध्या राज्य गुप्तवार्ता विभागाच्या पुणे कार्यालयात नियुक्त आहे. तक्रारदार महिला कळवा (ठाणे) येथे राहते. ती घरकाम करते.
तिचे फेसबुकवर अकाउंट असून, या दोघांची त्याद्वारे ओळख झाली होती. त्यानंतर फेसबुकवरून त्यांच्यात चॅटिंग व व्हॉट्सअ‍ॅपद्वारेही बोलणे सुरू झाले. यानंतर त्याने महिलेला अश्लील मेसेज तसेच व्हिडीओ देखील पाठविले आणि महिलेकडे शरीरसुखाची मागणी केली. यावरून आता भारती विद्यापीठ पोलीस तपास करत आहेत.
