पाचोरा,(प्रतिनिधी)- पाचोरा तालुक्यातील शिंदाड येथील दोन महिन्यांपूर्वी शेतातील कापूस चोरीवरून एका गटाकडून शनिवारी सकाळी गावातील एका घरांवर हल्ला केला होता. यात उसळलेल्या दंगलप्रकरणी १५ महिलांसह ५३ जणांना अटक करण्यात आली आहे. यापैकी ११ दंगेखोरांना २० एप्रिलपर्यंत पोलिस कोठडी तर उर्वरित ४२ जणांची न्यायालयीन कोठडीत रवानगी करण्यात आली आहे. मात्र यातील मुख्य सूत्रधार अद्यापही फरार आहेत.एका गटातील लोक कोयते,काठ्या, दगड घेऊन गावातील घरांमध्ये घुसले. यात पाच जण जखमी झाले होते. यात १५ महिलांसह ५७ जणांविरुद्ध गुन्हा दाखल करण्यात आला होता.
पोलिसांनी ५३ जणांना केली अटक
पोलिसांनी शनिवारी दिवसभर अटकसत्र सुरु केले होते. त्यात जवळपास ५३ जणांना अटक करण्यात आली होती. या सर्वांना रविवारी न्या. औंधकर यांच्यासमोर हजर करण्यात आले. त्यावेळी त्यांनी ११ जणांना पोलिस कोठडी तर १५ महिलांसह ४२ जणांना न्यायालयीन कोठडीत ठेवण्याचे आदेश दिले.
