मुंबई, (प्रतिनिधी)- शिंदे-फडणवीस सरकारचा ढिसाळ कारभार, महाराष्ट्राची अस्मिता असलेल्या महापुरुषांविषयी सत्ताधाऱ्यांच्या बेताल वक्तव्यातून त्यांचा केलेला अवमान, वाढती बेरोजगारी व त्याला कारणीभूत परराज्यात जाणारे प्रकल्प अशा असंख्य गोष्टींचा जाब या अकार्यक्षम राज्य सरकारला विचारण्यासाठी महाविकास आघाडीच्या माध्यमातून ‘महाराष्ट्र द्रोह्यांच्या विरोधात हल्लाबोल’ हा महामोर्चा पुकारण्यात आला असल्याचे महाविकास आघाडी कडून स्पष्ट करण्यात आले असून लोकशाही मार्गाने या मोर्चाची सुरुवात आज सकाळी ११ वाजता रिचर्डसन अँड कृडास, नागपाडा, मुंबई येथून होईल. या मोर्चा दरम्यान राष्ट्रवादी काँग्रेस पक्षाने एक व्हिडीओ शेअर करत सरकारवर हल्लाबोल केला आहे.
