जळगाव : भाजप नेते गिरीश महाजन आणि राष्ट्रवादीचे आमदार एकनाथ खडसे यांच्यातील वाद सर्वश्रुत आहे. गिरीश महाजन आणि एकनाथ खडसे यांच्यात टोकाची टीका झाल्याचे बघायला मिळत असते. मात्र आता पुन्हा एकदा हे दोन्ही नेते जळगाव दूध संघाच्या निमित्ताने आमने-सामने आले.
आज जळगाव दूध संघातील निवडणूक पार पडत आहे. मात्र अशातच महाजन यांनी खडसेंवर निशाणा साधला. जळगाव दूध संघाची निवडणूक म्हणजे कबड्डी सारखी. मी क्रीडामंत्री आहे, आणि त्यात कबड्डीचा प्लेयर पण आहे, ते आता अंपायर आहेत तर त्यांना म्हणा कबड्डी खेळा, आणि जिंकून दाखवाअसे खुले आवाहन, महाजन यांनी केलं आहे.
तसेच यावेळी महाजन यांनी विजय आमचाच होईल असा दावा करत करत कबड्डीचा खेळाडू असल्याचे सांगत निवडणूक जिंकूनच दाखवेल असा विश्वास महाजन व्यक्त करत आहे.
दरम्यान, जळगाव दूध संघातील निवडणूक ही एकनाथ खडसे, गिरीश महाजन आणि गुलाबराव पाटील यांच्यासाठी प्रतिष्ठेची झाली आहे. त्यामुळे काहीही करून ही निवडणूक जिंकायचीच अशी तयारीच नेत्यांनी केल्याचं चित्र आहे. आरोप-प्रत्यारोपांच्या फैरी झडत असतांना गिरीश महाजन यांनी दिलेली प्रतिक्रिया चर्चेचा विषय ठरत आहे.
