नाशिक : राज्यात एसटी महामंडळाच्या शिवशाही-शिवनेरी बसला लागणाऱ्या आगीच्या घटना सातत्याने घडत असल्याचे दिसून येतेय. 24 तासांपूर्वी पुण्यात शिवशाही बसला आग लागल्याची घटना ताजी असताना आता नाशिकमध्ये पुन्हा एकदा नाशिकमध्ये बर्निंग बसचा थरार पाहायला मिळालाय.
नाशिक पुणे महामार्गावर नाशिकहून पुण्याकडे येणाऱ्या शिवनेरी बसने पेट घेतला आहे. गाडीने पेट घेताच प्रवाशी गाडी बाहेर पडल्याने मोठा अनर्थ टळला. या बसमध्ये ४५ प्रवासी प्रवास करत होते.
नाशिक पुणे महामार्गावर चालत्या बसने घेतला पेट, शिवनेरी गाडीला अचानक लागली आग pic.twitter.com/4xFrzIqppS
— News18Lokmat (@News18lokmat) November 2, 2022
शॉर्ट सर्किटमुळे ही बस पेटली असावी, अशी शंका व्यक्त केली जातेय. मात्र आग कशामुळे लागली, हे अद्याप स्पष्ट होऊ शकलेलं नाही. आग नियंत्रणात आणण्यासाठी बचावकार्यही करण्यात आलं. पण अवघ्या काही मिनिटांत बस जळून खाक झाली. मात्र बस पेटण्याच्या घटना वारंवार समोर येत असल्यामुळे आता चिंता व्यक्त केली जाते आहे. याआधीही अनेकदा शिवशाही बसला आग लागला्याच्या घटना समोर आल्या आहेत
