सोलापूर,(प्रतिनिधी)- सोलापूर तुळजापूर रोडवरील तळे हिप्परगा नजीक अशोक हॉटेलच्या समोर दुचाकी व मालवाहतूक हायवाच्या भीषण अपघातात दुचाकी वरील दोन्ही युवक जागीच ठार झाले ही घटना आज सायंकाळी सहा च्या सुमारास घडली आहे, दोन्ही तरुण हे तुळजापूर येथून आई तुळजाभवानी मातेचे दर्शन करून सोलापूर कडे येत होते अशी प्राथमिक माहिती मिळत आहे.
मयत दोन्ही युवकांचे ओळख अद्याप पटलेली नाही मृतदेह समाजसेवक लादेन यांच्या ॲम्बुलन्स मध्ये घालून शवविच्छेदनासाठी शासकीय रुग्णालयाकडे रवाना करण्यात आले. यावेळी बराच वेळ वाहतूक विस्कळीत झाली होती. अपघात झाल्याने नागरिकांची मोठी गर्दी दिसून आली पोलिसांनी येऊन वाहतूक सुरळीत केली.
या ठिकाणी एम एच 13 डी क्यू 4010 ही अशोक लेलंड मालवाहतूक हायवा मी तुळजापूर कडून सोलापूरच्या दिशेने येत होती तर एम एच 13 डी एच 0074 या दुचाकी वाहनावरून दोन्ही युवक तुळजापूर कडून सोलापूरच्या दिशेने येत होते मालवाहतूक गाडीच्या आडवे आले आणि त्यामुळे गाडीची मागून जोराची धडक होऊन दोघे जागीच ठार झाले. असे नागरिकांकडून सांगण्यात आले असले तरी हायवा गाडी अतिशय भरधाव वेगाने चालवण्यात येत होती अशी माहिती प्रत्यक्षदर्शी नागरिकाने दिली.
सोलापूर तुळजापूर हा महामार्ग चारपदरी पक्का रस्ता झाल्यामुळे या रस्त्यावर अतिशय बेदरकारपणे वाहने चालवली जात आहेत त्यामुळे असे अपघात वारंवार घडत आहेतया अपघाताला आळा घालण्यासाठी महामार्ग पोलीस आशा बेदरकार वाहन चालवणाऱ्या चालकांवर कारवाई करणे गरजेचे आहे.
