जयपूर- महाराष्ट्राच्या राजकारणात गेल्या १५ दिवसांपासून निर्माण झालेली सत्ताकोंडी फुटण्याची चिन्हं आहेत. भाजपला सत्तेपासून दूर ठेवण्यासाठी काँग्रेस शिवसेनेच्या सरकारला बाहेरून पाठिंबा देण्यास तयार असल्याची माहिती विश्वसनीय सूत्रांकडून हाती आली आहे.
भाजप-शिवसेनेतील सत्तावाटपाच्या वादामुळं राजकीय तिढा निर्माण झाल्यानंतर भाजपकडून आमदार फोडले जाण्याची शक्यता वर्तवण्यात येत होती. त्यामुळं खबरदारी म्हणून काँग्रेसनं आपल्या आमदारांना जयपूर इथे हलवले आहे. काँग्रेसचे राज्यातील दिग्गज नेतेही आज जयपूरला पोहोचले. तिथं सर्व आमदारांची बैठक झाली. या बैठकीत अपवाद वगळता सर्व आमदारांनी शिवसेनेला बाहेरून पाठिंबा देण्यास होकार दर्शवल्याचं समजतं. शिवसेनेला पाठिंबा देऊन सत्तास्थापनेसाठी हालचाली न केल्यास भारतीय जनता पक्ष विरोधकांचे आमदार फोडण्याचा प्रयत्न करू शकतो. याआधीही भाजपने काँग्रेस-राष्ट्रवादीचे अनेक आमदार व नेते फोडले आहेत. त्याची पुनरावृत्ती होऊ नये, अशी भावना या बैठकीत व्यक्त करण्यात आली.
महाराष्ट्र काँग्रेसचे प्रभारी मल्लिकार्जुन खर्गे, अविनाश पांडे, माजी मुख्यमंत्री पृथ्वीराज चव्हाण, काँग्रेसचे प्रदेशाध्यक्ष बाळासाहेब थोरात हे यावेळी उपस्थित होते. त्यामुळं भाजपला वगळून राज्यात सत्तेचं नवं समीकरण आकाराला येण्याची दाट शक्यता निर्माण झाली आहे.
असं असेल सत्तावाटप?
राज्यात काँग्रेस-राष्ट्रवादी व शिवसेनेच्या महाआघाडीचं सरकार आल्यास सत्तेचं वाटप कसं करायचं, यावरील चर्चाही आता सुरू झाली आहे. काँग्रेसमधील सूत्रांकडून मिळालेल्या माहितीनुसार, २५ मंत्रिपदे शिवसेनेला, उर्वरीत राष्ट्रवादीला व विधानसभा अध्यक्षपद काँग्रेसला असं वाटप होण्याची शक्यता आहे.
पवार-सोनिया भेटीकडे लक्ष
काँग्रेसच्या आमदारांनी शिवसेनेला बाहेरून पाठिंबा देण्यास अनुकूलता दर्शवली असली तरी अंतिम निर्णय काँग्रेस अध्यक्ष सोनिया गांधी व राष्ट्रवादी काँग्रेसचे अध्यक्ष शरद पवार यांच्या भेटीनंतरच होणार आहे. पवार हे पुन्हा एकदा सोनिया गांधी यांची भेट घेणार असून त्याच बैठकीत पुढील रणनीतीवर अंतिम शिक्कामोर्तब होणार आहे.
महाराष्ट्र काँग्रेसचे प्रभारी मल्लिकार्जुन खर्गे, अविनाश पांडे, माजी मुख्यमंत्री पृथ्वीराज चव्हाण, काँग्रेसचे प्रदेशाध्यक्ष बाळासाहेब थोरात हे यावेळी उपस्थित होते. त्यामुळं भाजपला वगळून राज्यात सत्तेचं नवं समीकरण आकाराला येण्याची दाट शक्यता निर्माण झाली आहे.
असं असेल सत्तावाटप?
राज्यात काँग्रेस-राष्ट्रवादी व शिवसेनेच्या महाआघाडीचं सरकार आल्यास सत्तेचं वाटप कसं करायचं, यावरील चर्चाही आता सुरू झाली आहे. काँग्रेसमधील सूत्रांकडून मिळालेल्या माहितीनुसार, २५ मंत्रिपदे शिवसेनेला, उर्वरीत राष्ट्रवादीला व विधानसभा अध्यक्षपद काँग्रेसला असं वाटप होण्याची शक्यता आहे.
पवार-सोनिया भेटीकडे लक्ष
काँग्रेसच्या आमदारांनी शिवसेनेला बाहेरून पाठिंबा देण्यास अनुकूलता दर्शवली असली तरी अंतिम निर्णय काँग्रेस अध्यक्ष सोनिया गांधी व राष्ट्रवादी काँग्रेसचे अध्यक्ष शरद पवार यांच्या भेटीनंतरच होणार आहे. पवार हे पुन्हा एकदा सोनिया गांधी यांची भेट घेणार असून त्याच बैठकीत पुढील रणनीतीवर अंतिम शिक्कामोर्तब होणार आहे.
