काळीज पिळवटून टाकणारी घटना ; क्रूर आईनं मारलेल्या मुलाचा मृतदेह हातात घेत भाऊ चालत राहिला ; सोशल मीडियावर व्हिडीओ व्हायरल

काळीज पिळवटून टाकणारी घटना समोर आली असून या घटनेनं सोशल मीडियात मोठी खळबळ उडाली आहे. सावत्र आईचा क्रूरपणा देखील या घटनेतून समोर आला आहे. ही दुर्दैवी घटना उत्तर प्रदेशातील बागपात येथील असून क्रूर आईनं मारलेल्या मुलाचा मृतदेह घरापर्यंत पोहचवण्यासाठी आजूबाजूला नागरिकांनी सपशेल दुर्लक्ष केले तेव्हा वडील आणि १० वर्षाच्या भावाला लहान भावाचं पार्थिव हातात उचलून रस्त्यातून चालावं लागल्याचा व्हिडीओ सोशल मीडियात व्हिडिओ व्हायरल झाला आहे.

काय आहे घटना जाणून घ्या….

उत्तर प्रदेश राज्यातील बागपतमध्ये दिल्ली यमुनोत्री हायवेवर सावत्र आई सीतानं रागाने तिच्या २ वर्षीय मुलाला थेट रस्त्यावर फेकले तेवढ्यात वेगाने येणाऱ्या कारने मुलाला चिरडले आणि त्या दोन वर्षीय बालकाचा जागीच त्याचा मृत्यू झाला या घटनेनं सर्वत्र हळ हळ व्यक्त करण्यात येतं असून या सावत्र आईच्या क्रूर कृत्यामुळे संताप व्यक्त होतं आहे.

पोलिसात गुन्हा दाखल….

घटनेची माहिती मिळताच पोलिसांनी गुन्हा दाखल करत महिलेला अटक केली आणि मृतदेह पोस्टमोर्टमसाठी पाठवला. त्यानंतर आवश्यक प्रक्रिया पूर्ण मुलाचा मृतदेह वडिलांकडे सोपवला. परंतु माणुसकीला लाजवणारा प्रकार घडला. हॉस्पिटलने मृतदेह घेऊन जाण्यासाठी वाहनही उपलब्ध करून दिले नाही.उत्तर प्रदेशातील  माणुसकीला काळीमा फासणारी दुर्देवी घटना सोशल मीडियाच्या माध्यमातून समोर आली आहे

आणि भाऊ, वडील मृतदेह हातावर घेत चालत राहिले 

दोन वर्षाच्या मुलाला चार चाकी वाहनाने चिरडल्यावर त्या मुलाचा जागीच मृत्यू झाला, यावेळी मृतदेह हातात घेऊन भाऊ आणि वडील घराच्या दिशेने निघाले. मुलाचा मृतदेह त्याचा भाऊ आणि वडील रस्त्यात एकमेकांकडे देत राहिले. खूप वेळ मृतदेह पकडून वडील थकल्यानंतर भावाच्या हाती मृतदेह सोपवला. तर भाऊ थकल्यानंतर वडिलांकडे मृतदेह द् देतांना व्हिडीओ मध्ये दिसत आहे.