मुंबई: गेल्या महिनाभरापासून महाराष्ट्राला ज्या मंत्रिमंडळ विस्ताराची प्रतीक्षा होती तो विस्तार अखेर आज पार पडला. राजभवनात आज 18 मंत्र्यांना राज्यपाल भगतसिंह कोश्यारी यांनी पद आणि गोपनीयतेची शपथ दिली. त्यात आज शिंदे गटाकडून 9 आणि भाजपकडून 9 जणांचा समावेश आहेत. यावेळी मुख्यमंत्री एकनाथ शिंदे (cm eknath shinde), उपमुख्यमंत्री देवेंद्र फडणवीस आणि विरोधी पक्षनेते अजित पवार यांच्यासह असंख्य मान्यवर उपस्थित होते. आज संध्याकाळपर्यंत या सर्व मंत्र्यांचे खातेवाटप केलं जाणार असल्याचं सूत्रांनी सांगितलं.
राज्यात जून महिन्यात महाविकास आघाडी सरकार कोसळली होती. त्यानंतर एकनाथ शिंदे यांनी मुख्यमंत्रीपदाची आणि देवेंद्र फडणवीस यांनी उपमुख्यमंत्रीपदाची शपथ घेऊन नव्हिन्स सरकार स्थापन केलं होते. मात्र, दोघांनीही मंत्रिपदाची शपथ घेतल्यानंतरही राज्य मंत्रिमंडळाचा विस्तार झाला नाही. तब्बल 38 दिवस उलटूनही मंत्रिमंडळाचा विस्तार न झाल्याने विरोधकांकडून सरकारवर जोरदार टीका करण्यात येत होती. त्यानंतर अखेर आज शिंदे-फडणवीस सरकारचा मंत्रिमंडळाचा विस्तार पार पडला.
या १८ आमदारांनी घेतली गोपनीयतेची शपथ
आज शिंदे गटाकडून 9 आणि भाजपकडून 9 जणांनी मंत्रीपदाची शपथ घेतली. राजभवनातील दरबार हॉलमध्ये राज्यपाल भगतसिंह कोश्यारी यांनी सर्व मंत्र्यांना पद आणि गोपनीयतेची शपथ दिली. यात शिंदे गटाकडून दीपक केसरकर, गुलाबराव पाटील, उदय सामंत, अब्दुल सत्तार, संदीपान भुमरे, दादा भुसे, शंभुराज देसाई, तानाजी सावंत आणि संजय राठोड यांनी मंत्रिपदाची शपथ घेतली. तर भाजपकडून चंद्रकांत पाटील, सुधीर मुनगंटीवार, गिरीश महाजन, मंगलप्रभात लोढा, राधाकृष्ण विखेपाटील, सुरेश खाडे, विजयकुमार गावित, अतुल सावे आणि रवींद्र चव्हाण यांनी पद आणि गोपनीयतेची शपथ घेतली.
हे पण वाचा :
भाजप नेत्याचा घाणेरड्या शब्दांत महिलेला शिविगाळ ; Video व्हायरल
Live : शिंदे-फडणवीस सरकारचा शपथविधी ; पहा थेट प्रेक्षपण
आदित्य ठाकरेंचा जळगावसह नाशिक दौरा तात्पुरता रद्द; नेमकं कारण काय??
