जळगाव शहरात बेरोजगारांच्या हाताला काम देणार – अभिषेक पाटील 

जळगाव (प्रतिनिधी)- जळगाव शहर विधानसभा मतदार संघात बेरोजगारांच्या हाताला काम उपलब्ध करू देण्यासह शहराला “बेरोजगार मुक्त” करणार असून तरीही योग्य नोकरी उपलब्ध होईपर्यंत त्या बेरोजगार तरुणास पाच हजार रुपये भत्ता देखील दिला जाईल असे राष्ट्रवादी, काँग्रेस आघाडीचे उमेदवार अभिषेक शांताराम पाटील यांनी आज प्रचारादरम्यान मतदारांशी संवाद साधते वेळी केला. 

विधानसभा निवडणुकीला चार पाच दिवस उरले असल्याने सर्वच पक्षांनी प्रचाराची आघाडी घेतली आहे. जळगाव शहरात राष्ट्रवादी, काँग्रेस आघाडी पक्षाने जोरदार प्रचार करत कॉर्नर मीटिंगवर भर दिली जात आहे. तर आघाडीचे उमेदवार अभिषेक पाटील यांनी शहर मतदार संघात प्रचार रॅली, कॉर्नर बैठका, वैक्तिक भेटीगाठीवर भर देत एकदा सेवेची संधी द्या… शहरातील एकही समस्या शिल्लक ठेवणार नही असे वचन देत आहे. शहरात औद्योगिक विकास साधला जाईल, बेरोजगारांच्या हाताला काम देण्यास मी वचनबद्ध असल्याचे अभिषेक पाटील यांनी मतदारांशी बोलतांना सांगितले आहे.