जळगाव | जळगावात गुन्हेगारी दिवसेंदिवस वाढताना दिसतेय. जळगाव शहरात मागील काही दिवसापासून खुनाची मालिका सुरूच असून आज पुन्हा तरुणाच्या खुनाची घटना समोर आल्याने खळबळ उडाली आहे. २६ वर्षीय तरूणाला दगडाने ठेचून ठार मारण्यात आले आहे. सागर वासुदेव पाटील ( वय सुमारे २६ वर्षे रा ईश्वर कॉलनी आठवडे बाजारासमोर कासमवाडी ) असे मृत तरुणाचे नाव असल्याचे समोर आलेय.
याबाबत असे कि शहरातील कासमवाडी परिसरात भरणार्या आठवडे बाजारातील मच्छी बाजाराच्या भागात आज पहाटे एका तरूणाचा मृतदेह आढळून आला. या तरूणाचा चेहरा दगडाने ठेचला असून याची ओळख पटविण्यात अडचण आली. काही वेळाने हा तरूण सागर वासुदेव पाटील येथील असल्याची माहिती मिळाली. ईश्वर कॉलनी परिसरात सागर पाटील हा तरुण कुटुंबियांसह राहत होता.
हे पण वाचा :
महाराष्ट्रात पुन्हा मास्कसक्ती होणार? मुख्यमंत्र्यांनी बोलवली टास्क फोर्सची बैठक
Breaking ! एक लाखाची लाच स्वीकारणारा पोलिस उपनिरीक्षक गजाआड
आज राज्यातील ‘या’ भागात पूर्वमोसमी पावसाची शक्यता
सरकारच्या या निर्णयामुळे मद्यप्रेमींची गैरसोय होण्याची शक्यता, काय आहे जाणून घ्या?
दरम्यान, सागर हा सराईत गुन्हेगार असून त्याच्यावर यापूर्वी खून, खुनाचा प्रयत्न असे गुन्हे दाखल असल्याचे समजते. या तरूणाला दगडाने ठेचून मारले असून याची माहिती मिळताच अपर पोलीस अधिक्षक चंद्रकांत गवळी, सहायक पोलीस अधिक्षक कुमार चिंथा, एमआयडीसेचे पोलीस निरिक्षक प्रताप शिकारे हे घटनास्थळी दाखल झाले आहेत. पोलिसांना दोन संशयितांची नावे समजली असून त्यांचा शोध सुरू आहे. घटनास्थळी श्वान पथक आणि ठसे तज्ज्ञ देखील पोहचले आहे.
