रावेर, (प्रतिनिधी)- तालुक्यात अवैध वाळूचा प्रश्न नेहमीच चर्चेत असतो मात्र आता तर एक धक्कादायक घटना समोर आली वाळूमाफियानीं पोलिसाच्या अंगावर थेट ट्रॅक्टर घालत जखमी केले आहे. या घटनेने वाळूमाफियांची मुजोरी दिसून आली आहे.
शरद पवारांबद्दल आक्षेपार्ह पोस्ट करणे भोवले, अभिनेत्री केतकी चितळेविरुद्ध गुन्हा
8वी पास उमेदवारांसाठी बंपर भरती, येथे संपूर्ण माहिती जाणून घ्या
MPSC मार्फत 161 जागांसाठी भरती, अधिकारी होण्याची संधी..
सविस्तर असे की,वाळूची अवैध वाहतूक करणाऱ्या ट्रॅक्टरला थांबवण्याचा प्रयत्न केला असता चालकाने थेट पोलिसाच्याच अंगावर ट्रॅक्टर घालून त्याला जखमी केले. ही घटना विटवा (ता. रावेर) येथे शनिवारी रात्री ११.३० वाजता घडली. या प्रकरणी ट्रॅक्टरचालकासह त्याच्या दोन भावांना ताब्यात घेण्यात आले आहे. बापू पाटील असे या जखमी पोलिसाचे नाव आहे. त्यांच्या डाव्या मांडीला व कमरेला मार लागला आहे.
घटना घडताच चालकाने त्याच्या दोघा भावांना घटनास्थळी बोलावून घेतले. त्यांनी पोलिसाशी हुज्जत घालत धक्काबुक्की केली.या प्रकरणी बापू पाटील यांनी निंभोरा (ता. रावेर) पोलिसात फिर्याद दिली. त्यावरून ट्रॅक्टरचालक प्रवीण श्रावण चव्हाण आणि त्याचे भाऊ सुनील आणि राकेश श्रावण चव्हाण (सर्व रा. ऐनपूर, ता. रावेर) यांना ताब्यात घेण्यात आले. तसेच ट्रॅक्टर पोलीस स्टेशनला जमा करण्यात आला आहे.
