जळगाव : अमरावतीच्या खासदार नवनीत राणा यांनी मुख्यमंत्री उद्धव ठाकरे यांना आव्हान दिले. महाराष्ट्रात कुठेही तुम्ही निवडणुकीसाठी उभे राहा तुम्हाला हरवेल असे नवनीत राणा म्हणाल्या. यावर उत्‍तर देताना राष्ट्रवादीचे नेते एकनाथ खडसे यांनी नवनीत राणा यांच्यावर घणाघात केला.
राष्ट्रवादीच्या टेकूमुळे निवडून येणाऱ्यांनी स्वतःच्या बळावर निवडणूक जिंकून दाखवावी असं खडसे म्हणाले. आपली स्वत:ची लायकी ओळखावी त्यानंतर उध्दव ठाकरेंना आव्हान द्यावे, असा घणाघात खडसेंनी केला.नवनीत राणा या शरद पवार यांच्यामुळे निवडणुकीत निवडून आल्या असं ही खडसे म्हणाले.
जिल्ह्यात त्‍यांची छुपी युती
जळगाव येणाऱ्या काळात होणाऱ्या निवडणुका महाविकास आघाडीतर्फे की स्वतंत्र लढवाव्यात हा निर्णय वरिष्ठ पातळीवर होणार असल्याचे सांगतानाच जळगाव जिल्ह्यात भाजप आणि शिवसेनेची छुपी युती दिसून येत असल्याचा आरोप खडसे यांनी केला आहे.
