भुसावळ । सध्या आत्महत्येचे प्रमाण दिवसेंदिवस वाढतच चालले आहे. अशातच भुसावळ शहातील गौतम नगर भागात राहणाऱ्या ४० वर्षीय तरूणाने गळफास घेऊन आपली जीवन यात्रा संपवली. उमेश रमेश तायडे (वय-४०) असे मृताचे नाव असून त्याच्या आत्महत्येचे कारण कळू शकले नाही. याबाबत भुसावळ बाजारपेठ पोलीसात अकस्मात मृत्यूची नोंद करण्यात आली आहे
भुसावळ शहरातील गौतम नगरातील उमेश तायडे (वय-४०) या तरूणाने राहत्या घरात गळफास घेवून आत्महत्या केल्याची घटना शनिवारी सकाळी उघडकीला आली आहे. आत्महत्या करण्याचे कारण अद्याप समजू शकले नाही. भुसावळ बाजारपेठ पोलीसांनी घटनास्थळी धाव घेवून मृतदेहाचा पंचनामा केला. यावेळी नातेवाईकांनी प्रचंड आक्रोश केला होता.
याप्रकरणी आनंदा तायडे यांच्या खबरीवरून भुसावळ बाजारपेठ पोलीसात अकस्मात मृत्यूची नोंद करण्यात आली आहे. पुढील तपास पोहेकॉ अन्वर शेख करीत आहे.
