पाचोरा- येथील आमदार किशोर पाटील यांच्या नेतृत्वावर विश्वास व्यक्त करीत राष्ट्रवादी काँगेसचे माजी शहरअध्यक्ष तथा बल्लाळेश्वर फाउंडेशनचे संचालक अध्यक्ष्य हरिभाऊ पाटील व दिलीप धनराज मिस्तरी, भैय्या हटकर, पवन चौधरी, विकास पाटील, योगेश पाटील, भिकन शिंदे , शामभाऊ शिंदे यांचे सह शेकडो कार्यकर्ते व पदाधिकारी यांनी आमदार किशोर पाटील यांच्या प्रमुख उपस्थितीत शिवसेना पक्षात जाहीर प्रवेश केला. माजी आमदार दिलीप वाघ हे आपल्या संस्थेतील लिमिटेड कर्मचारी यांना सोबत घेऊन निष्ठावंत कार्यकर्त्यांवर अन्याय करतात तसेच मा.आ.दिलीप वाघ यांनी केसाने गळा कापला याचा राग येऊन त्यांनी शिवसेना पक्षात त्यांच्या शेकडो समर्थकांसह प्रवेश केला. आमदार किशोर आप्पा पाटील हे सर्वांना घेऊन चालणारे रस्त्यावरचे सर्वसमावेश नेतृत्व असून त्यांनाच पुन्हा निवडून देण्याचे आवाहन त्यांनी प्रवेशानंतर केले आहे.
