मुंबई, (प्रतिनिधी)- महाराष्ट्र सरकारनं मोठा निर्णय घेत सुधारित निर्बंध आदेश जारी केले आहेत.राज्य सरकारने आपल्या सुधारित आदेशात म्हटले आहे की “ब्युटी पार्लरचा देखील हेअर कटिंग सलूनसोबत समावेश केला जात असून यानुसार ब्युटी पार्लर आणि हेअर कटिंग सलून ५० टक्के क्षमतेने सुरू राहू शकतील. ज्या गोष्टींमध्ये तोंडाचा मास्क काढण्याची आवश्यकता नाही त्याच गोष्टी ब्युटी पार्लर आणि सलूनमध्ये करता येतील. मात्र हे काम करणाऱ्यांचे लसीकरण पूर्ण झालेले असावे. तसेच ज्या ग्राहकांचे लसीकरण पूर्ण झाले आहे त्यांनाच येथे प्रवेश देण्यात यावा.
राज्य सरकारने कोरोनाचा नवा विषाणू ओमायक्रॉनच्या वाढत्या संसर्गामुळे काल काही निर्बंध लावण्याबाबत जाहीर केले होते . यात सलून म्हणजेच केश कर्तनालय सुरू ठेवण्यास परवानगी देण्यात आली, मात्र ब्युटी पार्लर आणि जीम बंद करण्याचे निर्देश होते.
नव्या सुधारित आदेशानुसार १० जानेवारीपासून राज्यात सलूनसोबतच ब्युटी पार्लर आणि जीम देखील सशर्त सुरू ठेवण्यास परवानगी देण्यात आली आहे
