जळगाव : ऐन हिवाळ्यात अस्मानी संकट बरसू लागले आहे. एकीकडे कडाक्याची थंडी पडली असतात अत्यंत राज्यासह जिल्ह्यात पुन्हा अवकाळी पावसाची शक्यता वर्तविण्यात आली आहे. नववर्षाचे स्वागत पावसाने हाेण्याची शक्यता वर्तवली जाते आहे. मागील गेल्या तीन दिवसांपासून वाढ झालेल्या थंडीची तीव्रता कायम असताना गुरुवारी किमान तापमानात दाेन अंशांनी वाढ झाली आहे.७ अंशांपर्यंत असलेले तापमान गुरुवारी ९ अंश सेल्सिअसवर हाेते. तर दिवसाच्या कमाल तापमानातही काहीसी वाढ हाेऊन तापमान ३१.४ अंशांपर्यंत वाढले हाेते.
उत्तरेतील थंड वारे राज्यात धडकल्याने जिल्ह्यात थंडीची लाट आली हाेती. थंड वाऱ्यांमुळे जिल्ह्यातील किमान तापमान नीचांकी ७.३ अंश सेल्सिअस एवढ्या नीचांकी पातळीवर गेले हाेते. त्याचा परिणाम म्हणून राज्यात जळगाव सर्वाधिक कूल हाेते. थंडीच्या लाटेमुळे गारठ्याची तीव्रता तेवढीच असून, तापमानात मात्र किंचित वाढ झाली आहे. जळगावचे किमान तापमान ९ अंशांवर असून, पुढील दाेन दिवस पारा १० अंशांपर्यंत राहू शकताे.
हवामान विभागाने वर्तवलेल्या अंदाजानुसार येत्या ३० डिसेंबरपर्यंत तापमानात किंचित वाढ हाेईल. ढगाळ वातावरणामुळे थंडीची तीव्रता कमी हाेऊ शकते. ३० डिसेंबरला राज्यात तुरळक ठिकाणी अवकाळी पाऊस हजेरी लावण्याची शक्यता आहे.
