मुंबई : राजकारणात कायमस्वरूपी शत्रुत्व किंवा मैत्री नसते, असे राजकीय जाणकार यांचे मत आहे. राजकीय पक्ष कोणतेही असोत, आजच्या युगात ते त्यांच्या राजकीय फायद्या-तोट्यानुसार युती करतात किंवा तोडतात. राजकीय विचारसरणीचा विचार न करता दोन वेगवेगळ्या पक्षांचे नेते आणि त्यांची कुटुंबे एका समारंभात समोर येतात, तेव्हा वेगळेच दृश्य पाहायला मिळते.
दरम्यान, शिवसेनेचे रोखठोक नेते संजय राऊत यांच्या घरी लगीनघाई आहे. राऊत यांची कन्या पूर्वीशी राऊत सोमवारी (29 नोव्हेंबर) विवाहबंधनात अडकणार आहे. ठाण्याचे जिल्हाधिकारी राजेश नार्वेकर यांचे चिरंजीव मल्हार यांच्याशी पूर्वशीचा विवाह होणार आहे. पूर्वशी-मल्हार यांच्या विवाहाच्या निमित्ताने मुंबईच्या रेनेन्सो या सप्ततारांकीत हॉटेलमध्ये नुकतंच संगीत कार्यक्रमाचं आयोजन करण्यात आलं होतं.
या कार्यक्रमात संजय राऊत यांनी आनंदाच्या भरात ठेका धरला. विशेष म्हणजे या कार्यक्रमाला राष्ट्रवादी काँग्रेसच्या खासदार सुप्रिया सुळे कुटुंबासह हजर होत्या. या कार्यक्रमादरम्यान सुप्रिया यांनी संजय राऊत यांच्यासोबत ठेका धरला. त्यांच्या डान्सचा व्हिडीओ आता सोशल मीडियावरही व्हायरल होतोय.
तुम्ही पण तो व्हिडिओ पहा
महाराष्ट्रात झालेल्या या लग्नाच्या कार्यक्रमात पंजाबी गाण्या लॅम्बोर्गिनीवर धमाकेदार डान्स झाला.
लेकीच्या लग्नाच्या निमित्ताने आयोजित कार्यक्रमात संजय राऊतांचा सुप्रिया सुळेंसोबत डान्स @rautsanjay61 @supriya_sule @ShivSena @NCPspeaks pic.twitter.com/4iZ5jQc31K
— Shivraj Yadav | शिवराज यादव ????????????️ (@shiva_shivraj) November 28, 2021
लोकांना व्हिडिओ आवडला
या व्हिडिओला अनेक व्ह्यूज मिळत आहेत. राजकीय पक्षांचे समर्थक आणि नेत्यांच्या चाहत्यांचाही उदंड प्रतिसाद आहे. एका सोशल मीडिया यूजरने हा व्हिडिओ पाहिल्यानंतर संजू भाऊ (रॉक्स) असे लिहिले. तसेच डान्स पाहून लोक आपल्या आवडत्या नेत्यांचे कौतुक करत आहेत.
