नवी दिल्लीः या सणासुदीच्या हंगामात येस बँकेने आपल्या ग्राहकांना भेट दिली आहे. बँकेने गृहकर्जावरील व्याजदरात 2.25 टक्क्यांची मोठी कपात जाहीर केलीय. येस बँकेची ही फेस्टिव्ह ऑफर 31 डिसेंबर 2021 पर्यंत चालणार असून गृहकर्ज 6.7 टक्के दराने उपलब्ध केले जात आहे. जर पगारदार स्त्रीने कर्ज घेतले, तर तिच्यासाठी व्याजदर 6.65 टक्क्यांपासून सुरू होईल.
व्याजात मोठ्या प्रमाणात कपातीच्या मदतीने बँकेने या तिमाहीत होम लोन बुक दुप्पट करण्याचे उद्दिष्ट ठेवले. या ऑफर अंतर्गत तुम्ही 35 वर्षांपर्यंतच्या कालावधीसाठी गृहकर्ज घेऊ शकता. प्रीपेमेंट शुल्कदेखील माफ केले गेले आहे. जर तुमचे कर्ज आधीच चालू आहे, तर ते शिल्लक हस्तांतरण करून देखील मिळू शकते.
गृहकर्जाचा कालावधी 35 वर्षांपर्यंत असू शकतो
या फेस्टिव्हच्या धमाक्याबद्दल येस बँकेचे व्यवस्थापकीय संचालक आणि मुख्य कार्यकारी अधिकारी प्रशांत कुमार म्हणाले की, आम्ही आमच्या ग्राहकांना कमी व्याजाने त्यांचे स्वप्नातील घर खरेदी करण्यास मदत करण्याचा प्रयत्न करीत आहोत. गृहकर्जाचा कालावधीही 35 वर्षांपर्यंत ठेवण्यात आलाय. यामुळे ईएमआयचा बोजा आणखी कमी होईल. या व्यतिरिक्त इतर बँकांचे ग्राहक देखील शिल्लक हस्तांतरणाच्या मदतीने या ऑफरचा लाभ घेऊ शकतात. पुढील तीन महिन्यांत आमचे गृहकर्ज पुस्तक दुप्पट करण्याचे आमचे उद्दिष्ट आहे.
घरांच्या विक्रीत तेजी येण्याची सर्व शक्यता
गेल्या काही वर्षांत रिअल इस्टेट मार्केटमध्ये खूप सुधारणा झाली. घरांच्या विक्रीत तेजी आहे आणि तज्ञांचे म्हणणे आहे की, या सणासुदीच्या काळात घरांच्या विक्रीमध्ये प्रचंड तेजी येईल. अशा स्थितीत बँकेकडून व्याजात एवढी मोठी कपात केल्याचा फायदा ग्राहक घेतील आणि बँकेचे कर्ज पुस्तक वाढण्याची अपेक्षा आहे.
सध्या व्याजदर 8.95 टक्क्यांपासून सुरू होतो
येस बँकेच्या वेबसाईटवर उपलब्ध असलेल्या सध्याच्या माहितीनुसार, आतापर्यंत गृहकर्जासाठी बँकेचा किमान व्याजदर 8.95 टक्के आणि कमाल व्याजदर 11.80 टक्के होता. प्रोसेसिंग फी कर्जाच्या रकमेच्या 2% किंवा किमान 10 हजार जे जास्त असेल.
