नवी दिल्ली । जर तुमचे देखील स्टेट बँक ऑफ इंडिया मध्ये खाते असेल तर ही बातमी तुमच्यासाठी महत्वाची आहे. खरं तर, SBI आपल्या ग्राहकांना 2 लाख रुपयांपर्यंत फ्री इन्शुरन्स देते आहे. जन धन खात्यांच्या खातेधारकांना बँक ही सुविधा पुरवत आहे. प्रधानमंत्री जन धन योजना वर्ष 2014 मध्ये सुरू करण्यात आली. ही योजना आर्थिक सेवा, बँकिंग बचत आणि ठेवी खाती, क्रेडिट, विमा, पेन्शन आर्थिकदृष्ट्या दुर्बल घटकांना परवडणाऱ्या पद्धतीने उपलब्ध करून देते.
SBI बँकेकडून जन धन ग्राहकांना रुपे जनधन कार्डची सुविधा दिली जाते. या कार्डवर बँक ग्राहकांना 2 लाख रुपयांपर्यंत ऍक्सिडेंशिअल इन्शुरन्स कव्हरची सुविधा देत आहे. रुपे कार्डच्या मदतीने तुम्ही खात्यातून पैसे काढू शकता आणि खरेदी देखील करू शकता.
यामध्ये आपले बेसिक सेव्हिंग अकाउंट हे जन धन योजना खात्यात ट्रान्सफर करण्याचा पर्याय देखील आहे. ज्यांच्याकडे जन धन खाते आहे, त्यांना बँकेकडून RuPay PMJDY कार्ड मिळते. 28 ऑगस्ट 2018 पर्यंत उघडलेल्या जन धन खात्यांवर जारी केलेल्या RuPay PMJDY कार्डसाठी विमा रक्कम 1 लाख रुपये असेल. 28 ऑगस्ट 2018 नंतर जारी करण्यात आलेल्या RuPay कार्डवर 2 लाख रुपयांपर्यंत ऍक्सिडेंशिअल कव्हर बेनिफिट उपलब्ध होईल.
क्लेम कसा करायचा ते जाणून घ्या?
या योजनेअंतर्गत पर्सनल ऍक्सिडेंशिअल पॉलिसीमध्ये भारताबाहेरील घटनेचाही समावेश आहे. आवश्यक कागदपत्रे सादर केल्यावर विमा रकमेनुसार क्लेम भारतीय रुपयांमध्ये भरला जाईल. कोर्टाच्या आदेशानुसार लाभार्थी कार्डधारक किंवा कायदेशीर वारसांच्या खात्यात नॉमिनेशन देखील होऊ शकतो.
अशा प्रकारे उघडा खाते
जर तुम्हाला तुमचे नवीन जन धन खाते उघडायचे असेल तर तुम्ही जवळच्या बँकेत जाऊन हे काम सहजपणे करू शकता. यासाठी तुम्हाला बँकेत एक फॉर्म भरावा लागेल. नाव, मोबाईल नंबर, बँकेच्या शाखेचे नाव, अर्जदाराचा पत्ता, नामनिर्देशित, व्यवसाय / रोजगार आणि वार्षिक उत्पन्न आणि आश्रितांची संख्या, एसएसए कोड किंवा वॉर्ड क्रमांक, गाव कोड किंवा टाऊन कोड इत्यादी द्यावे लागतील.
