भुसावळ – मध्य रेल्वेने अतिरिक्त गर्दीच्या पार्श्वभूमीवर लोकमान्य टिळक ते नागपूर (एकेरी)दरम्यान विशेष रेल्वे चालवण्याचा निर्णय घेतला आहे.
लोकमान्य टिळक ते नागपूर (एकेरी)गाडी क्रमांक 02021 डाऊन सुपर फास्ट विशेष रेल्वे गाडी लोकमान्य टिळकहून दि. 15 सप्टेंबर रविवार रोजी 3-50वाजता सुटेल व नागपूरला सोमवारी 6-30 वाजता पोहोचेल. या गाडीला कल्याण, कसारा, इगतपुरी, नाशिक रोड, मनमाड, जळगाव, भुसावळ, अकोला, बडनेरा, वर्धा या स्थानकांवर ही गाडी थांबेल. या गाडीला 15 द्वितीय शयनयान व 2 सर्वसाधारण डबे राहणार असून या गाडीचे आरक्षण 12 सप्टेंबर पासून सुरु होणार आहे. प्रवाश्यांनी या सुविधेचा लाभ घ्यावा, असे आवाहन भुसावळ रेल्वे वाणिज्य विभागातर्फे करण्यात आले आहे.
