जामनेर, (प्रतिनिधी) : सापाच्या बचावासाठी नेहमीच सर्पमित्र सरसावतांना आपण पहिले आहेच मात्र आज थेट माजी जलसंपदा मंत्री आ. गिरीश महाजन यांनी आज जामनेर येथील नगरपालिकेच्या चौकातील वर्दळीच्या ठिकाणी रस्त्यावर अचानक आलेल्या सापाला वाचविण्यासाठी स्वतःच पकडून त्यास योग्य ठिकाणी सोडले.
आज साडे आठ वाजेच्या दरम्यान वर्दळ असलेल्या नगरपालिका चौकात अचानक साप आल्याने अनेकांची धावपळ उडाली मात्र याठिकाणाहून गाड्यांची ये – जा मोठ्या प्रमाणात सुरु असल्याने साप एखाद्या वाहनाच्या खाली येऊन मृत पावला असता मात्र माजी जलसंपदा मंत्री गिरीश महाजन यांनी तत्परता दाखवत या सापाला पकडून त्यास योग्य ठिकाणी सोडण्यात आले.दरम्यान या घटनेचा थसंपूर्ण व्हिडीओ कॅमेऱ्यात कैद झाला असून तो व्हायरल झाला आहे. गिरीश महाजणांमधील ‘सर्पमित्र’ आज पाहायला मिळाल्याने अनेकांनी या बाबत कौतुक केलं आहे.
