शुभवार्ता ;बाधित रूग्णांचा मृत्यूदर प्रथमच दोन टक्केच्या खाली….
जळगाव, (प्रतिनिधी)- जिल्ह्यात एकीकडे कोरोना बाधित रूग्ण वाढत असतांना गेल्या वर्षभरात आरोग्य यंत्रणेचे अथक परिश्रम व जिल्हा प्रशासनाने राबविलेल्या विविध उपाययोजनांमुळे जिल्ह्यातील बाधित रूग्णांचा मृत्यूदर प्रथमच 2 टक्केच्या खाली आला असल्यानं जिल्ह्याला दिलासा मिळाला आहेत.काल मृत्यूदर 1.99 %
तर आज 1.97 % इतका पर्यंत आला आहे.
दिवसेंदिवस कोरोना रुग्ण संख्येत वाढ होत असून आजही जिल्ह्यात स्वॕब घेतलेल्या रूग्णांपैकी पुन्हा 923 नवीन कोरोनाबाधीत रूग्ण आढळून आलेले असून कोरोनाचा वाढता प्रादुर्भाव लक्षात घेता जनतेने आता मास्क लावणे आणि अधिक खबरदारी घेणे आवश्यक आहे.
आज जिल्ह्यात जळगाव शहर 264 ,जळगाव ग्रामीण 45, भुसावळ 47,अमळनेर 42, चोपडा 194 ,पाचोरा 16, भडगाव 29 ,धरणगाव 86,यावल 32 ,एरंडोल 62,जामनेर 32, रावेर 08,पारोळा 38,चाळीसगाव 00,मुक्ताईनगर 03, बोदवड 21 आणि इतर जिल्ह्यातील 4 असे एकूण 923 रूग्ण आज कोरोनाबाधीत आढळून आलेले आहे.
आज दिवसभरात रूग्ण 655 बरे झाले असून आतापर्यंत एकूण 64214 रूग्ण बरे झालेले आहे. जिल्ह्यात सध्या 8813 ॲक्टीव्ह रूग्ण उपचार घेत असून आतापर्यंत एकूण कोरोना बाधितांची संख्या 74494 झालेली आहे. जिल्ह्यात आज 5 रूग्णांचा मृत्यू झालेला असून आतापर्यंत एकूण 1467 रूग्णांचा मृत्यू झालेला आहे.अशी माहिती आज जिल्हा प्रशासनातर्फे जाहीर करण्यात आलेली आहे.
