जळगाव, (प्रतिनिधी)- जळगाव महानगर पालिकेत महापौर भाजपाचाच होईल असा विश्वास भाजपा नेते माजी जलसंपदा मंत्री आ. गिरीश महाजन यांनी ‘नजरकैद’ बोलतांना व्यक्त केला असून हा ‘घोडेबाजार’ सुरु असल्याचा आरोपही त्यांनी या वेळी केला.
भाजपचे २० पेक्षा जास्त नगरसेवक शिवसेने सोबत जात असल्याने सत्तानंतर होईल का याबाबत विचारले असता आ. महाजन म्हणाले की जे गेले आहेत ते परत येतील… पक्षा विरोधात काम केल्यास सहा वर्षाच्या निलंबनाची कारवाई अटळ आहे.
होय नाराजी असू शकते… पण…
भाजपा जिल्हाध्यक्ष तथा जळगाव शहराचे आमदार राजूमामा भोळे यांच्यावर काही नगरसेवकांची नाराजी असल्याबाबत बोललं जात आहे या बाबत विचारलं असता आ. महाजन यांनी म्हटले की होय… काही लोकांची नाराजी असू शकते… सर्वांचेच समाधान नाही होऊ शकत.. नाराजी चालूच असते मग राजुमामा बद्दल असो किंवा माझ्याबद्दल… तिथे राजूमामा उभे नाहीत, पक्ष उभा आहे.
सत्ताधाऱ्यांकडे विकासाची दृष्टी नाही असा आरोप देखील होत आहे याबाबत स्पष्टीकरण देतांना आ. महाजन म्हणाले की विकासाचा मुद्दा नाहीच…आता अंडरग्राउंड ड्रेनेज झालेले आहे, पाणी पुरवठा योजना,100 कोटींच्या कामांची वर्क ऑर्डर झाली असून पुढील आठ पंधरा दिवसात कामे सुरु होतील त्यामुळे हा काही विषय नाही.
