जळगाव- येथील सीए शाखेचे मावळते अध्यक्ष सागर पाटणी यांनी नूतन अध्यक्ष सीए प्रशांत अग्रवाल यांच्याकडे पदभार सोपवला. हा पदग्रहण समारंभ रविवारी रिंग रोड परिसरातील आयसीएआय भवनात झाला.
प्रमुख पाहुणे म्हणून आमदार राजूमामा भोळे, माजी खासदार ईश्वरलाल जैन होते. त्यांनी नूतन कार्यकारणीस मार्गदर्शन केले. या कार्यकारिणीत सचिव सौरभ लोढा, कोषाध्यक्ष व विद्यार्थी शाखेचे अध्यक्ष सीए विकी बिर्ला यांचा समावेश आहे. पदग्रहण समारंभानंतर ‘फेसलेस इन्कम टँक्स असेसमेंट’ या विषयावर चर्चासत्र झाले. यात अँड.सीए अभय अग्रवाल (नागपूर) यांनी मार्गदर्शन केले. सूत्रसंचालन सीए ममता राजानी यांनी केले.
