खडके बु. – खडके बु व खेडगाव येथिल दरवर्षी सालाबादप्रमाणे या वर्षी सुद्धा येथील श्री साईबाबा पालखी सोहळा सकाळी ८ते१२पर्यंत आयोजित करण्यात आलेला आहे.तसेच श्री साईबाबा पालखी सोहळ्याचे पूजन एरंडोल,पारोळा मतदार संघाचे माजी आमदार श्री चिमणराव पाटील सह नलीनीताई पाटील यांच्या हस्ते होणार आहे. आणि श्री साईबाबांची काकड आरती ,जळगाव येथिल प्रतिष्ठित व्यापारी श्री अनिलशेठ अग्रवाल यांच्या शुभहस्ते होणार आहे. तसेच पालखी सोहळ्याची मिरवणूक खडके बु व खेडगाव या गावातून निघणार आहे.त्यात कळसधारी महिला वर्ग व साईभक्त देखील मोठया संख्येने सहभागी होणार आहे. या पालखी सोहळा प्रसंगी जि प चे मा जि उपाध्यक्ष श्री ज्ञानेश्वर आमले व एरंडोल पं स मा जि उपसभापती श्री दिलीप रोकडे सर व एरंडोल शिवसेना ता प्रमुख वासुदेव पाटील ,साई मंदिराचे पुजारी श्री राजेंद्र पाटील व पत्रकार वाल्मिक पाटील ,अतुल पाटील व खडके बु भजनी मंडळ, कोळगाव भजनी मंडळ,व खेडगाव भजनी मंडळ, लमांजन भजनी मंडळ, या सह परिसरातील ग्रामस्थ मोठया संख्येने उपस्थित राहणार आहे. या पालखी सोहळा नंतर महाप्रसादाचा कार्यक्रम देखील आयोजित करण्यात आला आहे. तरी खेडगाव व खडके बु सह। परिसरातील ग्रामस्थांनी महाप्रसादाचा लाभ घ्यावा असे आवाहन साई मंदिर पुजारी व साईभक्त यांच्या तर्फे करण्यात आले आहे.