जळगाव – राज्य पातळीवर गतिमान प्रशासनाच्या दृष्टीने कर्मचारी हा महत्वाचा घटक असून कर्मचारी न्याय हक्कासाठी संघटना मजबूत करणे आवश्यक असल्याचे मत महाराष्ट्र राज्य कास्ट्राईब कर्मचारी कल्याण महासंघाचे राष्ट्रीय अध्यक्ष परमेश्वर माटे यांनी व्यक्त केले.
कास्ट्राईब दिनदर्शिका प्रकाशन, कोरोना योद्धांचा सत्कार या निमित्त आयोजित कार्यक्रमा प्रसंगी सुरवातीस सावित्रीबाई फुले यांच्या प्रतिमेस मान्यवरांच्या हस्ते माल्यार्पण करण्यात आले. या प्रसंगी विचारमंचावर केंद्रीय सचिव आर. बी. रोझोदकर,प्रदीप जोगी, उदय पाटील, सुनील सूर्यवंशी, अनिल सुरडकर, बी.डी.बोदडे, विजय मेढे उपस्थित होते.
प्रास्ताविक महासंघ जिल्हा अध्यक्ष सुनील सोनवणे यांनी केले. कार्यक्रमाचे सूत्र संचालन बापूराव पानपाटील यांनी तर आभार जि प संघटनेचे जिल्हा अध्यक्ष आर. टी. सोनवणे यांनी केले.
कार्यक्रमास आरोग्य संघटनेचे जिल्हा अध्यक्ष रविंद्र पालवे, शिक्षक संघटना जिल्हा अध्यक्ष संदीप केदारे, रविकिरण बिऱ्हाडे, जितेंद्र जावळे, प्रताप बोदडे, सुमित्र अहिरे, हर्षदशाह रामकृष्ण अडकमोल, संजय ठाकूर, कैलास तायडे, योगेश नन्नवरे इ. मान्यवर उपस्थित होते.
