जळगाव, (प्रतिनिधी)- जळगाव जिल्हा मराठा विद्याप्रसारक संस्थे प्रकरणी निंभोरा पोलीस स्टेशन येथे दाखल गुन्ह्या प्रकरणी काल दि.18 रोजी पत्रकार परिषद घेऊन माजी मंत्री आमदार गिरीश महाजन यांनी म्हटलं होतं की या प्रकरणी पडद्या मागचा हिरो दुसराच आहे, सुडाचं राजकारण होतं आहे यामुळे आ. महाजनांचा नेमका रोख कुणाकडे याची जोरदार चर्चा सुरु आहे.
पत्रकार परिषदेत बोलतांना आ. गिरीश महाजन म्हणाले होते की,आमच्या कडेही खूप आहे पण खोटं काही करणार नाही, जे करणार खरं खरं करणार आणि गप्प न बसता जशास तसं उत्तर देऊ असा इशारा विरोधकांचा नामोल्लेख टाळून दिला होता.हा इशारा नेमका कोणासाठी आहे आणि आ. महाजन यांचा रोख नेमका कोणाकडे आहे, याविषयी आता चर्चेला उधाण आलं आहे.
अलीकडच्या काळात माझा संबंध नसतांनाही माझं नावं जोडली जात आहे, सत्ताधारी पक्षासोबत असल्याचा काही लोक गैरफायदा घेत गलिच्छ राजकारण करुन मुंबईतून गृहविभागाचा दबाव टाकून असे खोटे नाटे गुन्हे दाखल करत असल्याचा आरोप गिरीश महाजन यांनी केल्याने जिल्ह्यातील राजकारण चांगलेच रंगल्याचे दिसत आहे.आ. महाजन यांचा नेमका रोख कुणाकडे याबाबत जोरदार चर्चा आहे.
