पाचोरा, (किशोर रायसाकडा)- जळगाव जिल्ह्याचे एकेकाळचे नामवंत मल्ल तथा एक टोकाचे कुस्तीप्रेमी वस्ताद अण्णासाहेब कोळी यांची कुस्ती मल्लविद्या महासंघ महाराष्ट्र राज्य (रजि.) संघटनेच्या जळगाव जिल्हा अध्यक्ष पदी सर्वानुमते निवड करण्यात येत आहे.
पैलवान व कुस्ती यावर नितांत प्रेम असणाऱ्या अण्णा कोळी वस्ताद यांनी आजवर जळगाव जिल्ह्यात अनेक मोठमोठी कुस्ती मैदाने यशस्वीपणे आयोजित केली.पैलवानांची इज्जत व मानसन्मान करावे ते कोळी वस्ताद यांनी.खान्देशाला पहिली महाराष्ट्र केसरी गदा पै.विजय चौधरी यांनी ज्यावेळी मिळवली त्यावेळी विजय चौधरी यांची हत्तीवरून मिरवणूक काढली ती कोळी वस्ताद व त्यांच्या सहकाऱ्यांनी. जळगावच्या जिल्ह्याच्या अनेक कष्टाळू मल्लांच्या मागे सदैव उभे राहणारे व पैलवान व कुस्तीला दैवत समजून त्यांचा मान ठेवणारे अण्णासाहेब कोळी वस्ताद यांची कुस्ती मल्लविद्या महासंघ महाराष्ट्र राज्य जळगाव जिल्हा अध्यक्ष पदी सर्वानुमते निवड करण्यात आम्हाला आनंद होत आहे.
वस्ताद अण्णासाहेब कोळी यांचे कुस्ती मल्लविद्या महासंघातर्फे हार्दिक अभिनंदन व पुढील वाटचालीस शुभेच्छा.
