पाचोरा -तालुक्यातील युवासेना पदाधिकारी यांची नुकतीच शिवसेना कार्यालयांत उप जिल्हाप्रमुख ऍड.अभय पाटील यांचे अध्यक्षतेखाली बैठक पार पडली. बैठकीला तालुक्यातील युवासेनेचे तालुका युवाधिकारी, तालुका सरचिटणीस,तालुका समानव्यक,विधानसभा क्षेत्रप्रमुख,तालुका युवा सल्लागार व तालुका युवा संघटक यांचेसह अनेक उपतालुका युवाधिकारी हजर होते.
यावेळी बैठकीत मागील निडणुकीतील युवासेनेच्या कामाचा आढावा घेण्यात आला. पदावर असलेले परंतु पक्षाच्या ध्येयधोरणांच्या विरोधात काम करणारे काही मूठभर कार्यकर्त्यांमुळे पक्षाची हानी झाली त्यांचेवर कारवाई करणेबाबत अनेकांनी उपजिल्हाप्रमुखांकडे तक्रारी केल्या. चार दिवसांपूर्वी पक्षाच्या वर्धापन दिनाला गैरहजर राहणाऱ्या पदाधिकाऱ्यांची नोंद घेण्यात आली. या बैठकीला पक्षाचे संपर्कप्रमुख सुनील पाटील यांनीही मार्गदर्शन केले. बैठकीचे निरोप देऊनही गैरहजर राहिलेल्या लोकांची नोंद घेण्यात आली. बैठकीला उपस्थित सर्व युवा पदाधिकाऱ्यांचे विचार ऐकल्यानंतर उपजिल्हाप्रमुख ऍड.अभय पाटील यांनी तालुक्याचे संपर्कप्रमुख सुनील पाटील व जनतेचे लोकप्रिय आमदार किशोर आप्पा पाटील यांचेशी चर्चा करून कार्यरत असलेल्या उपजिल्हायुवाधिकारी ते युवासेनेच्या सर्व शाखांची कार्यकारणी बरखास्त करण्याचा निर्णय जाहीर केला.
