जळगाव – लॉकडाऊन व कोरोनाचा संसर्ग रोखण्यासाठी जळगाव जिल्हा आस्थापनेवरील पोलीस कर्मचारी बंदोबस्ताखाली मालेगाव येथे पाठविण्यात आलेल्या कर्मचाऱ्यांपैकी पंकज मकराम राठोड नेमणूक पारोळा यांनी कर्तव्यादरम्यान मोठे हाल, राजीनामा देऊ किंवा पळून जाऊ, सुरक्षेचा प्रश्न ऐरणीवर अशा आशयाच्या बातम्या स्थानिक वृत्तपत्रांमधून प्रसिद्ध केल्याने या प्रकाराने पोलीस खात्याची प्रतिमा मलिनी झाल्याचा ठपका ठेवत या पोलीस कर्मचाऱ्यास आज सेवेतून बडतर्फ केल्याचे आदेश जिल्हा पोलीस अधीक्षक यांनी काढल्याचे जिल्हा माहिती कार्यालयाने एका प्रसिद्धी पत्रकान्वय कळविले आहे.
याप्रकरणी पोलीस अधीक्षक नाशिक ग्रामीण यांनी चौकशी करून अहवाल पोलीस अधीक्षक जळगाव यांना पाठवला होता. या पोलीस कर्मचाऱ्याने केलेले वर्तन हे पोलीस खात्यास अशोभनीय असल्याचे म्हटले आहे. अहवाल प्राप्त झाल्यावर सदर पोलीस कर्मचाऱ्यास सेवेतून बडतर्फ करण्यात आले आहे.
