गौताळा अभयारण्य मध्ये अचानक आग जवळपास पाच हेक्टर वनक्षेत्र जळून खाक वन्यजीव विभागाचे आग विझवण्यासाठी केले शर्तीचे प्रयत्न

चाळीसगाव (ग्रामीण प्रतिनिधी)  :- चाळीसगाव वन क्षेत्रामध्ये काल दि. ६ मे रोजी दुपारी दीड वाजेच्या सुमारास वणवा पेटून त्याचे रूपांतर मोठ्या आगीत झाल्याने गौताळा अभयारण्यातील नियत क्षेत्र बोढरे कक्ष नंबर ३१४ मधील जवळपास पाच हेक्टर क्षेत्रात या आगीमुळे वनसंपत्तीचे नुकसान झाले आहे मात्र वनविभागाच्या वन्यजीव कर्मचाऱ्यांच्या लक्षात लगेच ही बाब आल्याने त्यांनी ताबडतोब आग विझवण्यासाठी शर्तीचे प्रयत्न केले.

मात्र प्रचंड उष्णता व हवा यामुळे आग अधिक रौद्र रूप धारण करत होती डोंगर परिसरातील मोठमोठ्या दर्या दगडधोंडे याचा सामना करत या कर्मचाऱ्यांना आग विझवतांना मोठ्या प्रमाणात जखमा देखील झाल्यात मात्र क्षेत्रातील मुक्या प्राण्यांना या आगीची झळ पोहचून प्राण्यांच्या जीविताची हानी होऊ नये यासाठी वन्यजीव विभागाच्या कर्मचाऱ्यांनी जवळपास १८ तास या दुर्गम भागात विना अन्न पाण्या वाचून आपल्या जीवाची बाजी लावून आज पहाटे सात वाजेपर्यंत जंगलातील ही आग आटोक्यात आणली आहे या सर्व कर्मचाऱ्यांचे खरंतर कौतुक झाले पाहिजे कारण आज जगाला हैराण करून सोडणाऱ्या कोरोना व्हायरस या आजारातून मनुष्यप्राण्याची सुटका व्हावी यासाठी डॉक्टर पोलीस प्रशासन नर्सेस सामाजिक संस्था युद्धपातळीवर काम करीत आहेत अशाच परिस्थितीत वन्य प्राण्यांना देखील सुरक्षित राहता यावे यासाठी वन विभागातील हे कर्मचारी वन्यप्राण्यांना पिण्यासाठी लागणाऱ्या पाण्याची उपलब्धता करून देण्यापासून तर अशा प्रकारचा वनवा पेटल्या नंतर प्राण्यांची जीवित हानी होऊ नये यासाठी कुठल्याही प्रसिद्धीपासून दूर राहून काम करीत आहेत मात्र हे कर्मचारी व त्यांचे काम फारसे जगासमोर येत नसते कारण हे काम अत्यंत दुर्गम भागात होत असल्याने त्याची प्रसिद्धी क्वचितच होते अशा या मुक्या प्राण्यांच्या जीवन दात्यांना देखील धन्यवाद आज गौताळा अभयारण्य लगत असलेल्या तळोंदा पाथर्डे सांगवी येथील नागरिकांनी आपल्या प्रतिक्रिया दिल्या आहेत ही आग विझवण्याच्या कामात चाळीसगाव वनविभागाचे वन्यजीव परिक्षेत्र अधिकारी एम. डी. चव्हाण आर. बी. शेटे वनपाल पाटणा डी. एस. जाधव वनपाल बोडरे महिला वनरक्षक सौ मनीषा त्रिमाळी कुमारी तेजस्विनी पाटील तसेच वनमजूर व लंगडा तांडा येथील मजूर यांनी मोलाचे योगदान दिले.